Jıyn barysynda abonenttik qurylǵylardy tirkeý erejeleri, «Azamattarǵa arnalǵan úkimet» memlekettik korporasııasynyń áleýmettik qamsyzdandyrý salasyndaǵy qyzmeti, sıfrly telehabar taratýǵa kóshý máselesi, BAQ-pen ózara is-qımyl jasaý úshin ýákiletti tulǵanyń (bólimsheniń) úlgi erejesi qarastyryldy.
Aqparat jáne kommýnıkasııalar mınıstrligi BAQ salasyndaǵy memlekettik saıasat departamentiniń dırektory Eldos Náshiráli memlekettik organdar men buqaralyq aqparat quraldarynyń arasyndaǵy ózara is-qımyldy odan ári nyǵaıtý úshin zańǵa sáıkes úlgilik ereje jobasy ázirlengenin tilge tıek etti. Sonymen qatar ol sıfrly telehabar taratýǵa kóshý máselesi jóninde baıandama jasady.
«Sıfrly telehabar taratýǵa kóshý aqparat salasy úshin óte mańyzdy joba desek artyq aıtqandyq bolmas. Osy rette Aqparat jáne kommýnıkasııalar mınıstrligi tarapynan biraz jyl boıy daıyndyq jumystary júıeli júrgizilip keledi. Atalǵan jumystyń birshama ýaqytqa sozylýy tıisti ınfraqurylymmen qamtamasyz etýge baılanysty. Bul jumys kólemdi ári shyǵyndy. Qazirgi ýaqytta josparlanǵan radıotelevızııalyq stansalardyń bir bóligin salý jumystary aıaqtalyp, halyqtyń 77 paıyzyn sıfrly telehabar sıgnalymen qamtý múmkindigi jasaldy. Al jospardy júzege asyrýdyń nátıjesinde halqymyzdyń 95 paıyzyn qamtý kózdelýde. Atalǵan jobany kezeń-kezeńmen 2019-2021 jyldar aralyǵynda júrgizip, aıaqtaý qarastyrylyp otyr. Jaqynda keńes músheleri sıfrly telehabar taratýǵa kóshýdiń tártibin qarastyryp, maquldady. Qazirgi ýaqytta sıfrly telehabar taratýǵa Jambyl jáne Mańǵystaý oblystary daıyn. О́zderińiz kórip otyrǵandaı, bul óte aýqymdy joba jáne onyń ákeletin paıdasy da úlken. Ol qazaqstandyqtarǵa otandyq telearnalardy joǵary sapada kórýge múmkindik beredi», dedi Eldos Náshiráli.
Aıta ketetin taǵy bir jaıt, qoǵamdyq otyrys aıasynda Telekommýnıkasııalar komıteti tóraǵasynyń orynbasary Vıtalıı Iаroshenko «Uıaly baılanystyń abonenttik qurylǵylaryn tirkeý jóninde», «Azamattarǵa arnalǵan úkimet» memlekettik korporasııasy basqarma tóraǵasy Abylaıhan Ospanov memlekettik korporasııanyń áleýmettik qamsyzdandyrý salasyndaǵy qyzmeti týraly baıandama jasady.
Raýan QAIDAR,
«Egemen Qazaqstan»
