«Jas Otan» - elin, jerin súıetin, óz bolashaǵyn Qazaqstannyń kemel keleshegimen baılanystyratyn myńdaǵan bilimdi de, belsendi jastardyń bastaryn biriktiretin, meniń barlyq bastamalarym men strategııalyq josparlarymnyń senimdi tiregi bolyp kele jatqan bedeldi uıym. Táýelsizdiktiń alǵashqy jyldarynan bastap jastar máselesi meniń de, memlekettiń de eń basty nazarynda bolyp, bul salada kóptegen baǵdarlamalar júzege asty. Men osynaý eńbektiń jemisi men qamqorlyqtyń jylýyn jastardyń jaqsy biletinine kámil senemin. Qazir búkil álem aýqymdy ózgeristerdi bastan keshirýde. Tórtkúl dúnıe tórtinshi ónerkásiptik revolıýsııa dáýirine qadam basty. Biz uzaq merzimdi maqsattarymyzǵa qol jetkizý úshin osyndaı qarqyndy ózgeristerdi de paıdamyzǵa sátti júzege asyrýymyz qajet. Sol úshin biz Qazaqstanda saıası-ekonomıkalyq, rýhanı jáne áleýmettik jańǵyrýlardy qolǵa aldyq», - delingen Memleket basshysynyń quttyqtaý hatynda.
Prezıdent «Bolashaqqa baǵdar: rýhanı jańǵyrý» baǵdarlamasyna erekshe toqtalǵan. Sebebi atalǵan qujatta ulttyq sana men taıaý jyldary qolǵa alýdy qajet etetin mindetter belgilengen. Sonyń ishinde latyn álipbıine kóshý, sıfrlyq tehnologııalar, úsh tildi bilim berý jáne taǵy basqa mańyzdy maqsattar bar. Al «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty bıylǵy Joldaýda jańa zaman talaptaryna beıimdelý men joǵary jetistikterge jetýdiń joldary kórsetildi. Bes áleýmettik bastama da biraz máselelerdi sheshýge múmkindik beredi.
«Osynyń barlyǵynda men jastardyń sapaly bilim alyp, básekege qabiletti maman bolyp qalyptasýyna erekshe kóńil bólip, soǵan basymdyq berdim. О́ıtkeni sender - elimizdiń erteńi ǵana emes, men aıqyndaǵan maqsattardy júzege asyratyn býynsyńdar. Men senderdi belsendi túrde jan-jaqty damýǵa, sportpen, ónermen aınalysýǵa, shet tilderdi úırenýge, otandyq jáne álemdik ádebıettiń tereń muralaryn tanyp-bilýge, eń bastysy, árqaısyńdy óz salalarynda álemniń eń ozyq mamandarymen ıyq tirestirip, qatar tura alatyndaı deńgeıge kóterilýge shaqyramyn. Sender ata-babalarymyzǵa arman bolǵan, bizdiń býynymyz qalaǵan Táýelsizdikti baıandy etip, bizdiń jeńisti jolymyzben jasampaz dástúrimizdi laıyq jalǵastyrýǵa tıistisińder. «Jańa álemge jol salamyz» degen sezdiń ataýy da jastarymyzdyń jańashyldyqqa degen umtylysyn ańǵartyp, kóńilge qýanysh uıalatady. Men senderdiń tyń bastamalaryńdy árqashan qoldaımyn. Endeshe jańa álemge salǵan joldaryńyz árdaıym ashyq ári dańǵyl bolsyn!».
