Jıyn barysynda Aqtóbe oblysynda týrıster sany turaqty túrde ósip keledi, dep habarlady oblystyq syrtqy qatynastar jáne týrızm basqarmasynyń basshysy Ermek Kenjehanuly. Onyń aıtýynsha tek 2017 jyldyń úshinshi toqsanynda qonaq úıler men jataqhanalarda 77 myńnan astam qonaqtar tirkelip, 2016 jyldyń sáıkes kezeńimen salystyrǵanda 22 paıyzǵa artty.
Elge kelýshiler týrızminde iskerlik saparlar basym. Esesine oblysymyzdyń mədenı jəne tarıhı murasymen tanysqysy keletin saıahatshylar az. Mədenı-tarıhı týrızm damýynyń kesheýildeýiniń mańyzdy məselesi ólkeniń kórikti jerlerin dəripteý jumystarynyń nasharlyǵy, qyzmetter sapasy men qyzmet kórsetý mədenıetiniń tómendigi, jol boıyndaǵy qyzmetterdi damytýdyń nasharlyǵy bolyp tabylady. Oblys əkimi barlyq aıtylǵan baǵyttar boıynsha jumystardy kúsheıtýdi tapsyrdy.
Qyzmet kórsetý mədenıeti bolý kerek. Etıket, sapaly qyzmet - bizde joqtyń qasy. Bizdiń oblysta kórikti jerler kóp emes, biraq barymen jumys isteý kerek. Sondaı-aq kóshpeli medısına týrızmin damytý qajet,-dedi Berdibek Saparbaev.
Aıta keteıik, bıyl óńirdegi týrıstik ınfraqurylymdy damytý maqsatynda jalpy quny 5,1 mlrd teńge bolatyn 30 joba júzege asyrylýda. Atap aıtqanda, bul jol boıynda qyzmet kórsetetin 20 nysan, 7 qonaqúı, akvapark, shıpajaı-panto emhana men demalys orny.
Budan basqa, Ermek Kenjehanuly «Baqytty bala» jobasyn júzege asyrý aıasynda Aqtóbe oblysynyń 2 myńnan asa oqýshysy osy jazda Qazaqstannyń kıeli jerlerine saıahattaıtyndaryn məlimdedi. Oblys əkimi bilim basqarmasyna joldamalardyń oqýda, túrli ıntellektýaldyq, sporttyq jəne shyǵarmashylyq baıqaýlarda erekshelengen, qoǵamdyq ómirge belsene aralasqan oqýshylarǵa berilýin qatań baqylaýdy tapsyrdy.
Temir Qusaıyn,
«Egemen Qazaqstan»
