Kelisimge 2010 jylǵy 24 tamyzda Astana qalasynda qol qoıylǵan bolatyn. Qujattyń basty maqsaty - eki el arasyndaǵy dostyq qarym-qatynastardy nyǵaıtý, dıplomatııalyq ókildikterdiń bolýy men jumys isteýiniń tıisti jaǵdaılaryn qamtamasyz etý bolyp tabylady.
Komıtet otyrysynda Qazaqstan men AQSh Úkimeti arasyndaǵy Aýǵanstannyń turaqtylyǵy jáne qaıta qalpyna keltirý jónindegi is-qımylǵa AQSh-tyń qatysýyna baılanysty Qazaqstan aýmaǵy arqyly arnaıy júktiń kommersııalyq temirjol tranzıtin qamtamasyz etý týraly úkimetaralyq kelisimge ózgeris engizý týraly hattamany ratıfıkasııalaý týraly zań jobasy da qaraldy.
Hattamaǵa 2017 jylǵy 21 qyrkúıekte Nıý-Iorkte qol qoıyldy jáne arnaıy júktiń tranzıttik baǵytyna Aqtaý jáne Quryq porttaryn engizýdi kózdeıdi, bul Aýǵanstanǵa (Aýǵanstannan) Kaspıı teńizi arqyly temirjol tasymaldaryn júzege asyrýǵa múmkindik beredi.
Aýǵanstandaǵy kontıngentti materıaldyq qamtamasyz etýdiń negizgi baǵyty Pákistan arqyly ótedi, alaıda áskerı-saıası turaqsyzdyqqa jáne ekijaqty qatynastardaǵy kelispeýshilikterge baılanysty amerıka tarapy Ázerbaıjan aýmaǵynan Kaspıı teńizi arqyly Qazaqstanǵa (Aqtaý jáne Quryq porttary) jáne odan ári temirjol kóligimen О́zbekstan men Aýǵanstanǵa ótetin balama baǵytty pysyqtaýda, bul Soltústik taratý torabynyń ózgertilgen nusqasy bolyp tabylady.
Osy tranzıttiń jumys isteýi Aýǵanstanda beıbitshilik pen turaqtylyqty ornatýǵa umtylatyn el retinde Qazaqstannyń múddelerine tolyǵymen jaýap beredi. Hattama tranzıttik tasymaldaý júıesin damytýǵa oń yqpal etedi jáne eldiń logıstıkalyq ınfraqurylymyn damytýdy jalǵastyrady. Zań jobalary Palatanyń qaraýyna jiberildi.
