Jobanyń birinshi kezeńin iske asyrý teńiz ben Aral qalasynyń arasyn 100 shaqyrymnan 17 shaqyrymǵa deıin qysqartýǵa, buryn joǵalyp ketken balyqtyń 22 túriniń teńizge qaıta oralýyna múmkindik berdi. Bıyl "SARATS" jobasynyń ekinshi kezeńin júzege asyrý jumysy bastalady.
"Halyqtyń qaýipsizdigin qamtamasyz etý maqsatynda bıyl respýblıkalyq bıýdjet esebinen «SARATS-2» jobasynyń 4 bóligin júzege asyrýdy bastadyq. Olar – Qyzylorda sý torabyna keshendi jóndeý júrgizý, qorǵanys bógetterin nyǵaıtý, ózen arnasyn túzetý jáne Qazaly aýdany birlik eldi mekeniniń tusynan kópir salý»,- dedi oblys ákimi Qyrymbek Kósherbaev.
Oblys ákimi Elbasynyń tapsyrmasyn ýaqtyly oryndaý maqsatynda jobanyń qalǵan 4 bóligin iske asyrýdy jedeldetýdi usyndy.
Aıta keteıik, Elbasynyń bastamasy boıynsha 1993 jyly 26 naýryzda qurylǵan Halyqaralyq Araldy qutqarý qory 2018 jyly óziniń 25 jyldyǵyn atap ótýde. Qordyń qurylǵan kúni - 26 naýryzdy - "Aral teńizi" kúni dep atap ótý týraly sheshim qabyldandy.
"Memleket basshysynyń jasampaz bastamalaryn jalǵastyrý maqsatynda ótken jyly Qyzylordada turaqty damý halyqaralyq forýmy ótti. Forýmda 26 naýryz – «Aral teńizi» kúni bolyp jarııalandy. Birneshe kún buryn oblysta teńizdi qutqarý isine ózindik úlesin qosqan ekolog-ǵalymdar, memleket jáne qoǵam qaıratkerleriniń qatysýymen merekelik sharalar ótti. Elbasynyń halyq arasynda "ǵasyr jobasy" atalǵan SARATS jobasyn júzege asyrý týraly der kezinde qabyldaǵan tarıhı sheshiminiń nátıjesinde Aral teńiziniń soltústik bóligi saqtalyp, jergilikti halyqtyń ómiri jaqsardy" – dep atap ótti aımaq basshysy.
2003 jyly teńiz ben qalanyń aralyǵy 70 shaqyrym bolsa, qazir bul qashyqtyq 17 shaqyrymǵa deıin azaıdy. 15 jylda Aral aýdanynda balyq aýlaý kólemi 83 esege artty, eger 2003 jyly 83 tonna balyq aýlansa, 2017 jyly 6 934 tonna sý marjany aýlandy. Buryn 7 ǵana balyq túri bolsa, ótken jyly olardyń sany 22-ge kóbeıdi. Qazirgi kezde oblysta 8 jumys istep tur, onyń 4-ýi sońǵy 5 jylda salynǵan.
Araldyń jandanýy aýdannyń áleýmettik-ekonomıkalyq damýyna oń áserin tıgizdi. О́nerkásiptik kásiporyn sany úsheýden jetige kóbeıdi. 2003 jyly jumys istep turǵan shaǵyn jáne orta bıznes sýbektileriniń sany 874 bolsa, 2017 jyly olardyń qatary 3266 birlikke artty. 2003-2017 jyly paıdalanýǵa berilgen turǵyn úıler sany 2 esege (9,1 myń sh.metrden 19,2 sh.metrge) ósti.
Áleýmettik nysandar - mektep, aýrýhanalardyń sany da artty. 15 jylda Aral aýdanynda 29 medısınalyq mekeme jáne 31 mektep salynǵan. 2003 jyly 7 balabaqsha bolsa, qazir 52 bóbekjaı jumys isteıdi. Qazirgi kezde Aral aýdanynda 78 myń adam turyp jatyr.
Esterińizge sala ketsek, búgin Qyzylorda oblysyna is-saparmen Qazaqstan Respýblıkasynyń Premer-Mınıstri Baqytjan Saǵyntaev bastaǵan úkimettik delegasııa keldi. Quramynda QR QR Premer-Mınıstri Keńsesiniń Basshysy, Investısııa jáne damý, ulttyq ekonomıka, Aqparat jáne kommýnıkasııa mınıstrleri, sondaı-aq, ortalyq memlekettik organdar, ulttyq kompanııa jáne damý ınstıtýttarynyń basshylary bar.
Sapar barysynda Baqytjan Saǵyntaev jáne delegasııa ókilderi oblys aktıvi jáne kásipkerleri, sonymen birge áleýmettik sala qyzmetkerlerimen kezdesti. "Qaraózek" gazkompressorly stansasynda bolyp, Aral aýdanyndaǵy "Araltuz" AQ jáne balyq óńdeý zaýyttarynyń jumysymen tanysty. Osynda qoǵam ókilderimen kezdesý ótip, Soltústik Aral jobasyn iske asyrý, sýarmaly jerler jáne QR Prezıdentiniń 5 áleýmettik bastamasyn júzege asyrý aıasynda shaǵyn nesıe berýge baılanysty saýaldardy talqylady. Sonymen qatar, Baıqońyr qalasy jáne ǵarysh kesheniniń jumysymen tanysady.
