Senat Tóraǵasy Kemerovodaǵy apatta qaza bolǵandarǵa baılanysty kóńil aıtty. «Biz osy oqıǵada qurban bolǵandardyń týystary men jaqyndarynyń orny tolmas qaıǵylylaryna ortaqpyz», dedi ol. Q. Toqaev Reseı Federasııasy Federaldyq Jınalysy Federasııa Keńesiniń Tóraǵasy V. Matvıenkoǵa kóńil aıtý jedelhatyn joldaǵanyn aıtty.
Júzdesýshiler Astana men Máskeý arasyndaǵy ózara senim men túsinistiktiń joǵary deńgeıin atap ótti. Ony qalyptastyrýda memleket basshylarynyń róli zor ekeni aıtyldy. Q.Toqaev: «Biz V.Pýtınniń Reseı Federasııasynyń Prezıdenti bolyp saılanýyn Qazaqstan men Reseıdiń odaqtastyq qatynastary men strategııalyq áriptestigin damytý baǵytynyń tabysty jalǵasatynyna senimdi kepildik retinde qarastyramyz», - dep atap ótti.
Senat Tóraǵasy eki eldiń zań shyǵarý organdarynyń ózara is-qımylynyń keleshegine toqtaldy. TMD Parlamentaralyq Assambleıasy men UQShU Parlamenttik Assambleıasyndaǵy tyǵyz baılanystar parlamentaralyq únqatysýdyń mańyzdy quraly bolyp qyzmet etedi.
Q. Toqaev bıylǵy 10-11 qazandaǵy Álemdik jáne dástúrli dinder lıderleriniń VI Sezi týraly habardar etip, Reseıdiń pravoslav shirkeýi men basqa da dástúrli dinderdiń joǵary ókilderiniń qatysatynyna senim bildirdi.
Q.Toqaev Qazaqstandaǵy dıplomatııalyq mıssııasynyń bastalýymen A. Borodavkındi quttyqtady jáne Reseı Elshisi joǵary laýazymynda ol bizdiń elder arasyndaǵy odaqtastyq qatynastardy nyǵaıtýǵa qomaqty úles qosatynyna senim bildirdi.
