30 Naýryz, 2018

Shymkentte balmuzdaqtan jappaı ýlanýǵa qatysty qylmystyq is qozǵaldy

192 ret
kórsetildi
1 mın
oqý úshin

Shymkentte balmuzdaqtan ýlanǵandardyń sany 41 adamǵa jetti. Bul týraly oblystyq IID baspasóz qyzmeti málim etti.

Shymkentte balmuzdaqtan jappaı ýlanýǵa qatysty qylmystyq is qozǵaldy

Polıseılerdiń málimetinshe qazir azamattardyń jappaı ýlanýy boıynsha QR Qylmystyq kodeksiniń 304-baby boıynsha qylmystyq is qozǵalǵan.

«Shymkent qalalyq IIB ál-Farabı polısııa bólimine juqpaly aýrýlar aýrýhanasynan 41 adam balmuzdaqtan ýlanǵany týraly habarlama kelip tústi. Atalǵan jaıt ál-Farabı polısııa bóliminde sotqa deıingi tergeýdiń biryńǵaı tizilimine «sanıtarlyq qaǵıdalardy nemese gıgıenalyq normatıvterdi buzý» boıynsha tirkeldi. Saraptama taǵaıyndaldy. Polıseıler oqıǵanyń mán-jaıyn anyqtaýda», delingen habarlamada.

Eske salaıyq, kesheden beri Shymkent qalasynda balmuzdaq satatyn bir orynnan tátti jegen 40-tan astam adam oblystyq juqpaly aýrýlar aýrýhanasyna ótkir ishek ınfeksııasymen tústi.  

Sońǵy jańalyqtar