Alfııa Ersaıyn qazir Atyraý gýmanıtarlyq koledjiniń stýdenti
Baıqaýda baq synaý úshin elordadaǵy aqtyq kezeńge Qazaqstannyń ár aımaǵynan bas-aıaǵy 30 arý jınaldy. Saltanatty keshte qazylar fınalǵa shyǵatyn 5 arýdy iriktep aldy. Oǵan Dınara Baımuratova (Semeı,17 jasta), Sabına Ázimbaeva (Almaty, 18 jasta), Maımýna Kúlkesheva (Astana, 19 jasta), Alfııa Ersaıyn (Atyraý, 16 jasta), Ekaterına Dvoreskaıa (Karaǵandy, 19 jasta) ilikti.
Osydan soń elimizdiń eń sulý arýyn dástúrli túrde qazaqstandyqtar tikeleı efır arqyly ótkizilgen onlaın jáne SMS daýys berý arqyly tańdady. Onyń qorytyndysy boıynsha, kóp daýys jınaǵan «Qazaqstan arýy-2018» baıqaýynyń jeńimpazy anyqtaldy.
Daýys berý nátıjesinde birinshi vıse-mıss ataǵyna E. Dvoreskaıa laıyq dep tanylsa, ekinshi vıse-mıss bolyp M. Kúlkesheva tanyldy. Al úshinshi vıse-mıss ataǵyn D. Baımuratova jeńip aldy.
Bir aıta keterligi, ulttyq fınaldy ádettegideı jańa jyl qarsańynda emes, Naýryz merekesi kúnderinde ótkizildi. 22 naýryzdan bastap «Qazaqstan arýy-2018» resmı saıtynda baıqaý fınalısterine daýys berý bastalǵan edi.
«Qazaqstan arýy» baıqaýynyń jeńimpazy aqshalaı júldeden bólek, lıýks brendterimen jarnama boıynsha birqatar kelisimshart jasaıdy jáne tıisinshe «Álem arýy-2018» baıqaýynda Qazaqstan Respýblıkasynyń namysyn qorǵaý múmkindigine ıe bolady.
