Oksford ýnıversıteti 2013 jyly zertteý júrgizip, 20 jyldyń ishinde AQSh-taǵy jumys oryndarynyń 47 paıyzyn, Ulybrıtanııadaǵy jumys oryndarynyń 35 paıyzyn robottar almastyrady degen boljamyn jarııalaǵan bolatyn. Biraq EYDU ókilderi bul kórsetkish AQSh-ta 10, Ulybrıtanııada 12 paıyzdan aspaıdy dep otyr. Biraq avtomattandyrý kóptegen qyzmetkerlerdiń mindetterin ózgertedi, deıdi olar.
«Burynǵy zertteýlerde avtomattandyrýǵa qatysty mamandyq ataýyn ǵana eskerip, olardyń ár qyzmette paıdalanylý erekshelikterine mán bermegen. Jańa zertteýde osynyń barlyǵy eskerildi», deıdi EYDU mamandary. Olardyń aıtýynsha, bolashaqta jastarǵa jumys tabý qıynǵa soǵatyn bolady. Sebebi jumys tájirıbesin endi bastaıtyn satydaǵy jumys oryndarynyń kóbi avtomattandyrylady. Uıym júrgizgen zertteý nátıjesinde belgili bolǵandaı, 32 damyǵan memlekettegi jumys oryndarynyń 14 paıyzy joıylady. Naqtylap aıtsaq, 66 mln jumys ornyna robottar kelýi múmkin. Sonymen qatar jumys oryndarynyń 32 paıyzy avtomattandyrý áserinen túbegeıli ózgeretin bolady.
Daıyndaǵan
Gúlnur Qýanyshbekqyzy,
«Egemen Qazaqstan»
