Foto: akorda.kz
Basqosý barysynda halyqaralyq pán olımpıadalary men ǵylymı jobalar konkýrstarynyń tizbesi qaraldy. Endi atalǵan zııatkerlik dodalardyń jeńimpazdary «Bolashaq» stıpendııasyna úmitker bola alady.
Talqylaý qorytyndysynda tizbege matematıka, fızıka, hımııa, bıologııa jáne basqa da jalpy bilim beretin pánderden ótetin beldi halyqaralyq olımpıadalardy qosý usynyldy.
Jasandy ıntellekt jáne atom energetıkasy mamandary «Bolashaqpen» bilim alady
Keıingi 3 jylda Qazaqstannyń 76 oqýshysy jalpy bilim beretin pánderge arnalǵan halyqaralyq olımpıadalardyń júldegeri atanǵan.
Sondaı-aq otyrys barysynda baǵdarlamaǵa jańadan qosylǵan «atom salasy qyzmetkerleri» sanaty boıynsha konkýrstyq irikteýge qatysýshylarǵa qoıylatyn talaptar men ólshemsharttar talqylandy. Biliktiligi joǵary kadrlardy daıarlaý otandyq atom ónerkásibin sapaly damytýdaǵy mańyzdy qadamnyń biri bolady.
Jıyn sońynda Ǵylym jáne joǵary bilim mınıstrligine jáne Halyqaralyq baǵdarlamalar ortalyǵyna «Bolashaq» baǵdarlamasy aıasyndaǵy konkýrstyq irikteýdiń tetikterin odan ári jetildirý jóninde naqty hattamalyq tapsyrmalar berildi.
