Foto: istockphoto.com
Jıynda qala ákiminiń orynbasary Erik Meırhan sóz sóılep, vaksınasııanyń qoǵamdyq densaýlyqty saqtaýdaǵy róline erekshe toqtaldy. Onyń aıtýynsha, balalardyń densaýlyǵy – barshaǵa ortaq jaýapkershilik, al vaksınasııa – qaýipti ınfeksııalyq aýrýlardyń aldyn alýdyń eń tıimdi joly.
Qyzylsha tirkelgen mektepterge vaksına almaǵan balalar jiberilmeıdi
Sondaı-aq 2024 jyldan bastap elimizde qyzdardy adam papıllomasy vırýsyna (APV) qarsy vaksınasııalaý baǵdarlamasy júzege asyrylyp kele jatqany aıtyldy. Bul bastama jatyr moıny obyrynyń aldyn alýda mańyzdy ról atqarady. Budan bólek, qazirgi tańda elordada jáne respýblıka boıynsha balalar arasynda qyzylsha aýrýynyń ósýi baıqalyp otyrǵany atap ótildi.
Balalaryna vaksına salǵyzýdan bas tartatyndar kóbeıdi: Sebebi nede?
Dóńgelek ústelde mamandar Astanadaǵy jatyr moıny obyrynyń taralý kórsetkishteri men qyzylshaǵa qatysty epıdemıologııalyq ahýaldy talqylady. Sarapshylardyń pikirinshe, qyzdardy APV-ǵa qarsy egý, balalardy qyzylshaǵa qarsy ýaqytyly vaksınasııalaý jáne skrınıngtik tekserýlerdi kúsheıtý – aýrýlardyń aldyn alýdyń naqty ári tıimdi tetigi.
Kezdesý barysynda vaksınasııaǵa qatysty qoǵamdaǵy mıfter men qate túsinikter de qozǵaldy. Ásirese APV-ǵa qarsy ekpe jónindegi áleýmettik-mádenı kedergiler men senim máselesine nazar aýdaryldy. Qatysýshylar halyqpen ashyq ári júıeli aqparattyq-túsindirý jumystaryn júrgizý qajettigin atap ótti.
Endi qyzylshaǵa qarsy vaksına mindetti: Astana aýrýhanalaryna bala qabyldaý erejesi ózgerdi
Mamandardyń aıtýynsha, vaksınasııa – bolashaqqa salynǵan ınvestısııa. Ýaqtyly júrgizilgen ımmýndaý qaýipti ınfeksııalardyń taralýyn tejep, keleshek urpaqtyń densaýlyǵyn saqtaýǵa múmkindik beredi.
