Bul jóninde oblystyq máslıhattyń depýtaty, «Ońtústik Qazaqstan medısınalyq akademııasy» AQ-nyń quryltaıshysy S.Seıtjanov málim etti. Ońtústik Qazaqstan oblysynyń ákimi J.Túımebaevtyń akademııada bolyp, zerthanalarynyń jabdyqtarymen tanysýy kezinde. Sondaı-aq, S.Seıtjanov qosymsha aýdıtorlyq qormen oqý ornyna 7205 sharshy metr bolatyn jańa ǵımarat satyp alyp jatqanyn aıtty. Oblys basshysy joǵary oqý ornynyń professorlyq-oqytýshylyq quramymen jáne stýdent-magıstranttarmen kezdesýi barysynda quryltaıshynyń oqý úderisin odan ári damytýǵa múddeli ekenin jáne aıtarlyqtaı qarajat salýǵa daıyn ekenin atap ótti. Iаǵnı, elimizdegi medısına men farmasevtıka salasy boıynsha sapaly kadr daıarlaýǵa múmkindik jasalýda.
«Jalpy akademııa 1979 jyly qurylǵan ózindik bazasy bar úlken joǵary oqý orny bolyp tabylady. Al endi bizdiń 3 mıllıon halqy bar oblys úshin osyndaı sapaly oqý oryndary, ásirese dárigerlik oqý oryndary óte qajet. О́zderińiz bilesizder, Elbasy jyl saıynǵy halyqqa arnaǵan Joldaýynda densaýlyq salasyna aıtarlyqtaı kóńil bólip keledi. Endi biz aýrýdy bolǵan kezdegi emdeýden góri, aýrýdy boldyrmaýdyń joldaryn qarastyrýymyz qajet. Osy baǵytta jumys isteýimiz kerek», dedi oblys ákimi.
Búginde, ıaǵnı 2017-2018 oqý jylynda medısına akademııasynda bilim alyp jatqan 3771 stýdenttiń 238-i sheteldik jastar. Stýdentterge 300-den astam professorlyq-oqytýshylyq quram úsh tilde bilim berýde.
Erkin DOSYMBAI,
Ońtústik Qazaqstan oblysy
