«Keshe ǵana jańa elordaǵa kóshken sııaqty bolyp edik. Mine, kózdi ashyp-jumǵansha 20 jyl ótip ketti. Biz bıyl Astananyń 20 jyldyq mereıtoıyn atap ótemiz. Menimen birge sol kezde kelgen qatarlastarym, jastardyń esinde bolsa, bul jer ıen dala bolatyn. Burynǵy Aqmola qalasynyń tóńireginiń qandaı bolǵanyn bárimiz bilemiz. Jańa qalanyń ornynda mıdaı dala, eshteńe joq. Qazir kele jatyp qalany kórgende osylaı bolǵanyna ózim de tań qalamyn. Biz ata-babamyzdyń armanyn oryndap, Saryarqanyń tórinde el ordasy - astanany salyp, dúnıejúzin tamsandyryp, elimizdi qýantatyn, kórshilerimiz tań qalatyn shaharǵa aınaldyrdyq. Árıne, onyń ishinde bizdiń de azdaǵan eńbegimiz bar. Sondyqtan osy 20 jyldyqty qalaı ótkizemiz degen máselemen jınalyp otyrmyz. Jylda qalada istelgen sharýalardy osyndaı keńeste aqylǵa salyp, ary qaraı ne isteý kerektigin aqyldasamyz», dedi májilisti ashqan Prezıdent.
20 jyldyń ishinde qala memleket bıýdjetine 6 trln teńgege jýyq qarajat kirisin qamtamasyz etti. Osy ýaqyt aralyǵynda alynǵan transfertterdiń kólemi 2,3 trln teńgeni qurady. Elordanyń qurylysy men damýyna bólingen qarjy birneshe eselengen kólemde qaıtty. Sondaı-aq, bıýdjetten tys ınvestısııalardyń úlesi 80%-dy qurady. Bul týraly jıynda Astana ákimi Áset Isekeshev málim etti.
20 jyl ishinde Astananyń ekonomıkasyna shamamen 8 trln teńge ınvestısııa quıyldy. О́tken jyly tartylǵan ınvestısııalardyń kólemi rekordtyq kórsetkishke jetip, 945 mlrd teńgeni qurady. Onyń 200 mlrd teńgege jýyǵy – tikeleı sheteldik ınvestısııalar.
«Bıýdjetten tys ınvestısııalardyń ósimin atap ótkim keledi. Olardyń úlesi 80%-ǵa jetti. Sizdiń qurǵan damý modelińizdiń arqasynda 20 jyl ishinde qala memleket bıýdjetine 6 trln teńgege jýyq qarajat kirisin qamtamasyz etti. Osy ýaqyt aralyǵynda alynǵan transfertterdiń kólemi 2,3 trln teńgeni qurady», degen Á.Isekeshev memlekettik bıýdjetke túsimder 78 ese ósip, 1 trln teńgeni quraǵanyn, onyń 77 paıyzy respýblıkalyq bıýdjetke baǵyttalǵanyyn jetkizdi.
Sondaı-aq, ákim qalalyq ákimdik qoljetimdi baspana baǵdarlamasyn ázirlep jatqanyn jetkizdi. «Birinshi jáne negizgi suraq – bul úı máselesi. 2017 jyly Astanada rekordtyq deńgeıde 2 mln 360 myń sharshy metr turǵyn úı salyndy. Bul respýblıkalyq kórsetkishtiń 25%-y. Kommersııalyq qurylys týraly sizge esep berdik. Aldaǵy ýaqytta qurylys júrgiziletin 4 perspektıvalyq aımaq anyqtaldy. Bul aýmaqta aýdany 17 mln sharshy metr bolatyn turǵyn úı salýǵa bolady. Sonymen qatar, qalanyń eski bóliginde reınnovasııalyq jumystar da júrgiziledi. Prezıdenttiń bes áleýmettik bastamasy» negizinde qolǵa alynǵan «7-20-25» baǵdarlamasy qala turǵyndaryna jańa páter alýǵa qosymsha múmkindik beredi. «Nurly jer» baǵdarlamasy jáne prezıdenttiń 5 áleýmettik bastamasy negizinde biz qazirgi tańda óńirlik qoljetimdi turǵyn úı baǵdarlamasyn daıyndap jatyrmyz», dedi Á.Isekeshev.
