«16:03-te Almaty TJD-nyń 101 pýltine Jetisý aýdany, Kókjıek, 32-úı mekenjaıynda órt shyqqany týraly habar tústi. О́rt sóndirýshiler oqıǵa ornyna jetkende belgili bolǵandaı, Kókjıek shaǵyn aýdanyndaǵy №32 úıdiń 3 balkony otqa oranǵan. Adamdar qaýipsiz jerge kóshirildi. О́rt sóndirýshiler oqıǵa ornyna 16:11-de jetti, oqıǵa ornyna kelgen órt sóndirý bólimshesi úıdiń 1 men 5-qabat aralyǵyndaǵy bet jaǵy órtenip jatqanyn anyqtady. О́rttiń aldyn ala aýmaǵy 1000 sharshy metr. Úıdiń tóbesin túgeldeı órt shalǵan. Qazir órt sóndirý jumystary jalǵasyp jatyr» , dedi Almaty TJD resmı ókili Sandýǵash Baımuhambetova.
Onyń aıtýynsha 5 qabatty úıdiń balkonynan tutanǵan órt úıdiń shatyryn, mansardysyn túgel sharpyp úlgergen. Oqıǵa ornynda shtab, eki sóndirý ýchaskesi quryldy. Tilsiz jaýdy aýyzdyqtaý úshin 82 órt sóndirýshi, 25 tehnıka jumyldyryldy. О́rtengen úıden 300 adam qaýipsiz jerge shyǵaryldy.
