Kezdesýge Sezd spıkerleriniń biri jas arheolog, qazaqstandyq oqý oryndarynda alǵash PhD dárejesin alǵan ǵalymdardyń biri Aıbar Qasenalın, QR Ulttyq Mýzeıiniń ǵylymı qyzmetkerleri jáne elordalyq joǵary oqý oryndarynyń stýdentteri qatysty. Sondaı-aq, kezdesý qonaqtary úshin Qazaqstan tarıhy men qazaq ultynyń mádenı-tarıhı qundylyqtaryn kórsetetin arnaıy ekskýrsııa uıymdastyryldy.
«Elbasynyń «Rýhanı jańǵyrý» baǵdarlamalyq maqalasynyń shyqqanyna 1 jyl boldy. Rýhanı jańǵyrý – bizdiń ózgerýmiz, sanamyzdyń ózgerýi, mádenıetimizdiń artýy, ómirge, jańa zamanǵa beıimdelýimiz, pragmatıkalyq kózqarastyń paıda bolýy. Jastarǵa berer keńesim – kitap oqý. Qazir ınternettiń damýymen kitaptyń túr-túrin tabýǵa bolady. Keregin tańdap oqý kerek. Internetti meńgerińder, sebebi, aldaǵy 20 jylda bilimsiz jastarǵa jumys bolmaıdy. «Jas Otannyń» bastamasy – jastarmen kezdesip, óz oıymmen bólisýge, aqyl-keńesimdi berýge arnalǵan paıdaly alań», dedi Myrzageldi Kemel.
Myrzageldi Kemel rýhanııat salasynda 10 kitap shyǵarǵan. Olardyń ishinde izgilikke, ımandylyqqa, bilim-bilikke, aqyl-parasatqa úndeıtin tanymdyq, kósemsózdik eńbekterine qosa, «Abzaldyq álippesi», «О́zime sabaq» sııaqty kitaptary oqyrman qaýymnan joǵary baǵaǵa ıe bolǵan.
