Basqosý barlyq múddeli taraptar arasynda balalardyń quqyqtaryn tolyq iske asyrý men otbasylarǵa kómek kórsetýdiń ózekti máseleleri tóńireginde órbidi. О́tken jyly elimizde 154 jasóspirim óz-ózine qol jumsasa, jyl basynan beri 25 bala ómirin qıǵan. Degenmen zertteýshiler sońǵy ýaqyttary sýısıd derekteri edáýir azaıǵanyn aıtady. Bul turǵyda jasóspirimder sýısıdiniń aldyn alý maqsatynda arnaıy joba ázirlengen edi. Sonyń nátıjesinde qyrshyn ǵumyryn qııýǵa asyqqandardyń sany 35 paıyzǵa azaıǵan.
«TEENS – qoljetimdi jáne sapaly kómek» jobasynyń aıasynda byltyrǵy jyly halyqaralyq sarapshylarmen birge mektep mamandarynyń biliktiligin arttyrý úshin arnaıy baǵdarlama daıyndalǵan. Shara barysynda «Ata-analardyń toptaryn basqarý jáne jasóspirimdermen jumys» baǵdarlamasynyń tanystyrylymy ótti. Sonymen birge atalǵan baǵdarlama engen Almaty qalasyndaǵy 15 mekteptiń bazasyndaǵy aprobasııanyń nátıjesi aıtyldy. Konferensııada ashyq konkýrs negizinde iriktelip alynǵan Bilim jáne ǵylym mınıstrligi, UNICEF, «Rýhanı jańǵyrý» jobalyq keńsesiniń ókilderi, jergilikti bilim basqarmasynyń, JOO-nyń mamandary, halyqaralyq sarapshylar óz oılaryn ortaǵa saldy.
«Ákege qarap ul óser, anaǵa qarap qyz óser» dep dana halqymyz aıtqandaı, búgingi kún jastaryn jetilgen azamat etip tárbıeleý otbasylardyń jaýapkershiligin taǵy da arttyra túsýde. Sebebi balaǵa sanalylyqtyń sıpaty ol ómirge kelgen kúnnen bastap sol otbasynda boıyna sińedi. Keıinnen mektep, qorshaǵan orta jáne qoǵamdaǵy bolyp jatqan ártúrli jaǵdaılardyń áserimen qalyptasady. Bizdiń halqymyz úshin bala tárbıesi bir ǵana otbasynyń, ne balabaqshanyń nemese mekteptiń jeke isi ǵana emes, ol búkil zııaly qaýymnyń, búkil qoǵam shuǵyldanatyn ulaǵatty istiń tutas bir keshenine aınalyp otyr. Elbasymyz aıtqandaı, «Bala tárbıeleý – bolashaqqa eń úlken ınvestısııa», sondyqtan bul baǵyttaǵy jumystardy utymdy uıymdastyrý úshin urpaq tárbıesindegi otbasynyń rólin basty nazarda ustaýymyz qajet», deıdi Almaty qalasy boıynsha «Rýhanı jańǵyrý» jobalyq keńsesiniń ókili Aızat Sahova.
Sharada barlyq taraptar qazirgi zamanǵy mekteptegi oqytý men tárbıeleýdiń ózekti máselelerin talqylap, mektep mamandarynyń biliktiligin kóterýdiń ınnovasııalyq baǵdarlamasy týraly tájirıbe almasty. Mektepterdegi tárbıeleýdiń ádettegi tájirıbesin ózgertetin zamanaýı tásilderdi engizý boıynsha usynymdar kesheni ázirlenip, balalardyń qylmys, sýısıdtik minez-qulyq, ata-analarmen qarym-qatynas sııaqty máselelerin sheshý joldary sóz boldy.
– Ata-ana jınalysqa kelgen kezde muǵalimniń nemese psıhologtiń tarapynan óziniń balasy týraly eskertýler nemese basqa da shaǵymdar estimeıdi. Joba kerisinshe ata-anaǵa kómek kórsetý úshin jasalady. Ata-analarǵa barynsha aqparat berý jumys isteý daǵdylaryn kóterýge yqpal etedi. Búgingi tańda bul joba Almaty qalasynda ǵana engizilip otyr. Bolashaqta ony Qazaqstannyń basqa óńirlerine de engizýdi josparlap otyrmyz, – deıdi «Bilim Foundation» qoǵamdyq qorynyń jetekshisi Erlan Aıtmuhambetov.
Arman OKTIаBR,
«Egemen Qazaqstan»
ALMATY
