Ulttyq ekonomıka mınıstri Tımýr Súleımenovtyń aıtýynsha, búginde jalpy somasy 766,4 mlrd teńgege 212 kelisimshart tirkelgen, onyń ishinde 2018 jyldyń I toqsanynda 521,5 mlrd teńgege (2 respýblıkalyq jáne 14 jergilikti) 16 kelisimshart jasaldy.
Jalpy, osy jyldyń 1 sáýirindegi jaǵdaı boıynsha 90,6 mlrd teńge somasyna 140 nysan paıdalanýǵa berildi, onyń ishinde 2018 jyldyń I toqsanynda — 8 nysan (1,2 mlrd teńge). Sonymen qatar, daıyndaýdyń ártúrli kezeńderinde jalpy quny 1,6 trln teńge bolatyn 620 joba bar.
Tımýr Súleımenovtyń aıtýynsha, salalyq turǵyda 212 kelisimsharttyń (218 nysan boıynsha) basym bóligi bilim berý salasyna — 52%, densaýlyq saqtaý salasyna — 19%, mádenıet jáne sport salasyna — 14% tıesili. Basqa salalar — 15%.
«Tájirıbe kórsetkendeı, MJÁ tetigin paıdalaný oń nátıje berdi. О́tken kezeńde 140 nysan paıdalanýǵa berildi, bul bıýdjetke birjolǵy júktemeni 90,6 mlrd teńgege qysqartýǵa múmkindik berdi», — dedi Tımýr Súleımenov.
Budan ózge, MJÁ damytýǵa arnalǵan zańnamalyq sharalar qabyldandy. 2017 jyldyń sońynda MJÁ tetikterin odan ári jetildirý men jeńildetý boıynsha Zań qabyldandy, Zańǵa sáıkes kezeńderdi 5-ten 3-ke deıin qysqartý arqyly rásimder ońtaılandyryldy, bul MJÁ jobalarynyń saraptama jumystary men maquldaý merzimderin 7 aıdan 3 aıǵa deıin qysqartýǵa jol ashty; 3 jáne odan da kóp jylǵa MJÁ boıynsha tutyný kepildigin berý qarastyrylǵan; memlekettik baǵdarlamalar aıasynda salanyń ereksheligin eskere otyryp, MJÁ standarttalǵan jobalaryn josparlaý múmkindigi engizildi. Osy Zańnyń oryndalýyna qajetti zańǵa qosymsha aktiler qabyldandy.
Mınıstrlik Ulttyq Bankpen jáne «Atameken» UKP-men birlese otyryp, memleket tarapynan EDB kepildikti qamsyzdandyrý retinde tólemderdi qarastyratyn, MJÁ kelisimsharttaryn tanýǵa baılanysty qoldanystaǵy zańnamalyq aktilerge birqatar túzetýler ázirledi.
Jalpy, ulttyq ekonomıka mınıstri MJÁ damytýdyń oń qarqynyn atap ótti jáne tıptik qujattamany ázirleý, jobalardy konkýrstyq kezeńge jetkizý jáne MJÁ kelisimsharttaryn tirkeý sekildi jaǵdaıdy jaqsartý boıynsha birqatar usynystar aıtty.
О́z kezeginde ınvestısııalar jáne damý mınıstri Jeńis Qasymbek qazirgi tańda memlekettik-jekeshelik áriptestik tetigi boıynsha 44 joba ázirleý jáne engizý satysynda turǵanyn, sonyń ishinde jol salasynda — 4 joba, temirjol kóligi salasynda — 1 joba, 2 joba — azamattyq avıasııa salasynda, 4 — energııa únemdeý jobalary jáne turǵyn úı-kommýnaldyq sharýashylyq salasynda — 33 joba bar ekenin málimdedi.
“Alsım Alarko – Makıol – SK – Koreıan EkspressVeı” konsorsıýmymen Úlken Almaty aınalma avtokólik joly (ÚAAAJ) qurylysy boıynsha Qazaqstandaǵy alǵashqy iri konsessııalyq jobany iske qosý týraly kelisimshartqa qol qoıyldy. Bıylǵy jyldyń mamyr aıynda qurylys-montaj jumystary bastalady. 2021 jyly qurylys jumystaryn aıaqtap, aqyly negizde joldy paıdalanýǵa berý kózdelgen», — dedi Jeńis Qasymbek.
Investısııalar jáne damý mınıstri avtokólik jáne temir joldar, turǵyn úı-kommýnaldyq sharýashylyǵy, sıfrlandyrý salalaryndaǵy MJÁ ózge de iri jobalary boıynsha atqarylyp jatqan jumystar týraly tolyǵyraq baıandap ótti. Sondaı-aq, Jeńis Qasymbek ortalyq memlekettik jáne jergilikti atqarýshy organdarǵa energııa únemdeýge jáne energııa tıimdiligin arttyrýǵa baǵyttalǵan MJÁ jobalaryn iske asyrýdy bastaý týraly usynys aıtty.
QR densaýlyq saqtaý mınıstri Eljan Birtanovtyń aıtýynsha, búginde densaýlyq saqtaý salasyndaǵy MJÁ jobalarynyń tizimi 175 jobany qamtıdy, olardyń 50-i boıynsha kelisimshart jasalǵan, qol qoıylǵan kelisimsharttardyń jalpy quny 33,7 mlrd teńgeni quraıdy.
Bıyl 6 óńirde 15 kelisimshart jasaldy. Jobalar dárigerler ambýlatorııalaryn, emhanalardy, stasıonarlardy salýdy jáne paıdalanýǵa berýdi, medısınalyq tehnıkamen jabdyqtaýdy jáne t.b. qarastyrady. Taǵy 125 joba daıyndaý satysynda tur, onyń ishinde 25 joba jeke qarjylyq bastama aıasynda konkýrs pen kelissózder satysynda tur.
Densaýlyq saqtaý salasyndaǵy nvestısııalardyń 2025 jylǵa deıingi ortasha jyldyq ósý qarqyny 9,3%-ti quraıdy dep kútilýde.
«Bul rette, 750 mlrd teńge ınvestısııalardy MJÁ aıasynda tartý josparlanýda. Básekelestikti damytý, tarıftik saıasatty, sıfrlandyrýdy jetildirý boıynsha sharalarmen birge, MJÁ tetikterin endirýdiń nátıjesi – mindetti áleýmettik medısınalyq saqtandyrýdy endirý jaǵdaıyndaǵy densaýlyq saqtaý uıymdarynyń zamanaýı tıimdi ınfraqurylymy bolady», — dep túıindedi Eljan Birtanov.
Sonymen qatar, máseleni qaraý barysynda MJÁ tetikterin engizý salasyndaǵy jumystar týraly Shyǵys Qazaqstan oblysynyń ákimi D. Ahmetov, Aqtóbe oblysynyń ákimi B. Saparbaev, Batys Qazaqstan oblysynyń ákimi A. Kólginov, Soltústik Qazaqstan oblysynyń ákimi Q. Aqsaqalov, Atyraý oblysynyń ákimi N. Noǵaev, Jambyl oblysy ákiminiń orynbasary E. Manjýov, sondaı-aq «Atameken» UKP basqarma tóraǵasynyń orynbasary Iý. Iаkýpbaeva sóz sóıledi.
