Aljır buqaralyq aqparat quraldarynyń habarlaýynsha, borttaǵy adam sany júzden asady. Olardyń eshqaısysy tiri qalmaǵan. «Al-Hadas» telearnasynyń aıtýynsha, bortta 200 áskerı qyzmetker bolýy múmkin. Qaıtys bolǵandar týraly aqparat naqtylanyp jatyr.
Il-76 áskerı ushaǵy Býfarıktegi áskerı bazanyń aerodromynan ushqan soń Aljır qalasynyń ońtústiginen 50 km jerde, Býfarık áýejaıyna jaqyn mańdaǵy Blıda aýyl mańyna qulaǵan. Qulaǵan ushaq demde órtenip ketken. Apat jergilikti ýaqyt boıynsha tańǵy 8-de bolǵan. Ushaqtyń qulaý sebebi áli belgisiz.
Algérie24 agenttiginiń habarlaýynsha, ushaq memlekettiń soltústigindegi Blıda qalasynan ońtústik-batysqa bet alǵan. Jolaýshylardyń kópshiligi áskerı qyzmetkerler ekeni habarlanyp jatyr.
