11 sáýir kúni Almazbek Atambaev Qytaıdyń Boao qalasynda Sı Szınpınmen kezdesken. Kezdesý barysynda eki el basshylary «Bir beldeý – Bir jol» jobasy aıasynda eki jaqtyq qarym-qatynastyń damý qarqyny jóninde sóz qozǵady.
Sı Szınpın Almazbek Atambaevty Qyrǵyzstan sosıal-demokratııalyq partııasynyń tóraǵasy bolyp saılanýymen quttyqtap, eki el arasynda dostyq qarym-qatynas ornatýǵa úles qosqany úshin rızashylyq bildirdi. Al óz kezeginde Almazbek Atambaev Shı Jınpıńge «Boao Ortalyq Azııa» forýmyna shaqyrǵany úshin alǵys aıtty. Eks-prezıdent forým mańyzy jóninde sóz qozǵaı kele, aldaǵy ýaqytta halyqaralyq birlesken ekonomıkalyq qarym-qatynastardy jaqsartýda serpin beretinin atap ótti.
