Shara aıasynda qarjy esep-qısabynyń aýdıti men birqatar áleýetti mekemelerdiń bıýdjet baǵdarlamalary ákimshileriniń bıýdjet qarjysyn paıdalanýdaǵy tıimdilik máseleleri talqylandy.
Kezdesýde Esep komıtetiniń múshesi Imanjúsip Aqtombaev negizgi baıandama jasady. Qorǵanys mınıstriniń orynbasary Ábilqaıyr Sqaqov, Ulttyq ulan qolbasshysynyń orynbasary Jandos Omarqulov, IIM Tótenshe jaǵdaı jónindegi komıtetiniń tóraǵasy Vladımır Bekker, UQK shekara qyzmeti dırektorynyń orynbasary Erjan Myrzabaev bıýdjetti oryndaý salasyndaǵy ahýaldy jetildirý jumystary týraly depýtattardy habardar etti.
Kezdesý barysynda bıýdjet shyǵystaryn ońtaılandyrý, josparlaý jáne esep júıesin jetildirý, qazirgi zamanǵy aqparattyq jáne sıfrlyq (onyń ishinde «Sıfrlyq Qazaqstan» baǵdarlamasy aıasynda) tehnologııany engizý, qarjy tártibin saqtaý, tıisti mekemelerdiń qarjy-ekonomıkalyq bóligindegi mamandar quramynyń kásibı daıarlyǵyn arttyrý máseleleri kóterildi.
Pikirsaıysty qorytyndylaı kelip senator Darıǵa Nazarbaeva áleýetti qurylymdardyń qarjylandyrý jaǵdaıy – memlekettiń qaýipsizdigi men qorǵanys qabilettiligi máselesi ekenin atap ótti. Senatorlar kezdesý nátıjesi boıynsha ázirlengen naqty usynystardy nazarda ustaıtyn boldy.
