- Ǵaryshty ıgere bilgen memleket dúnıe júzindegi qubylystardyń bárin baqylaı alatynyn, sońǵy jańalyqtardan habardar bolatynyn bilemiz. Qazir Elbasynyń tapsyrmalarynyń biri – sıfrlandyrý jumystary barlyq salada júrgizilýde. Kaspıı, Aral teńizderindegi ózgeristerdi de ózderińiz arqyly bilip otyrmyz. Jerdiń jaǵdaıyn kókten baqylap, el ıgiligi men damýy úshin eren eńbek etip kelesizder, dedi aımaq basshysy.
Kezdesý barysynda Aıdyn Aıymbetov memlekettik qyzmette ǵaryshtyq tehnologııalardy qoldanýdyń tıimdiligin atap ótti.
-Búgingi kúni Qazaqstanda 4 jer serigi bar (2 jerdi qashyqtyqtan baqylaıtyn, 2 telenavıgasııalyq). Jerdi qashyqtyqtan baqylaý spýtnıginiń jumysyna súıene otyryp, «Qazaqstan Ǵarysh Sapary» kompanııasy 100% memlekettiń qatysýymen ǵarysh monıtorıngin usynady. Biz memlekettik organdardyń jumysynda qajetti ǵaryshtyq sýretter men basqa da qyzmetterdi qamtamasyz etemiz, dedi ol.
«Qazaqstan Ǵarysh Sapary» UK» AQ vıse-prezıdenti ǵaryshtyq tehnologııany qoldaný múmkindikterimen tanystyrdy. Mysaly, ǵaryshtan túsirilgen sýretterdi tabıǵı apattardyń monıtorıngi, aýyl sharýashylyǵy daqyldaryn, memlekettik shekaralardy, sý obektilerin boljaý, tabıǵı resýrstardy zertteý, ekologııa, munaı-gaz sektorynda, jalpy qalanyń bas jospary men aglomerasııany qurý jáne t.b. qyzmetter úshin paıdalanýǵa bolady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
