Ulttyq ınjenerlik akademııa prezıdenti ǵalymdardy tól merekesimen quttyqtady

– Ǵylym kúni Elbasymyzdyń 2011 jylǵy 20 qarashadaǵy №164 Jarlyǵymen belgilendi. Otan­dyq ǵylym salasy Memleket basshysy N.Á. Nazarbaevtyń udaıy nazarynda ári júrgizgen syn­darly saıasatynda árdaıym qoldaý taýyp keledi, – dedi ol. – Mysaly, 2011-2017 jyldar ara­lyǵynda ǵylymdy qarjy­landyrý 37,1 paıyzǵa, ǵalym­dardyń eńbekaqysy 58,1 pa­ıyzǵa ulǵaıdy. Bizdiń ǵy­lym­nyń álemdik arenadaǵy ser­pilisi, bedeldi halyqaralyq ba­sy­lymdardaǵy qazaqstandyq ǵa­lymdar jarııalanymdary sa­nynyń ósýi XXI ǵasyrdyń ekin­shi onjyldyǵynyń aıtýly jetistigi boldy. Qazaqstandyq ǵylymı on basylymnyń qazirgi zamandaǵy álemdik ǵylymnyń bedeldi halyqaralyq ǵylymı-aqparattyq jáne analıtıkalyq resýrstyq Web of Sciences tu­ǵyr­namasyna engizilgen eń yqpaldy halyqaralyq jýrnal­dar sanyna qosylýy osy jetistikter nátıjeleriniń biri boldy.

Memleket basshysy stra­te­gııalyq qujattarda tehnolo­gııalyq ınnovasııalyq damýdy elimizdi damytýdyń sheshýshi faktory dep atady. Sondyqtan ǵylymnyń ınjenerlik baǵyty men ǵylymı jetistikterdiń júzege asyrylýy bizdiń bas­ty nazarymyzda bolyp otyr. Ult­tyq ınjenerlik akademııasynda osy kezeń ishinde 1518 joba men baǵdarlamalar, onyń ishinde mashına jasaý, energetıka, munaı-gaz jáne basqa da ǵylymı-ınjenerlik salalaryndaǵy 32 ınnovasııalyq joba ázirlendi.

Otyrys jumysyna As­qar Qulybaev, Temirhan Dosmu­ha­medov, Rahman Alshanov, Nadır Nadırov, Albert Bolo­tov, Amandyq Tóleshov, Gúlba­zar Medıeva jáne taǵy basqa ǵa­lym­dar qatysty. Otyrysta Aka­demııanyń vıse-prezıdentteri Temirhan Dosmuhamedov jáne Rahman Alshanov basqa da jetekshi ǵalymdar, ınjenerler, kásiporyndar men joǵary oqý oryndarynyń basshylary sóz sóıledi. 

Olar joǵary oqý oryn­da­ryn­daǵy ınnovasııalyq proses pen ǵylymdy damytýda jetekshi baǵdarlardyń biri bolyp tabylatyn ǵylym men óndiristiń baılanysyn ornatýǵa erekshe nazar aýdardy. Máselen, «Baıserke-Agro» holdıngi, joǵary oqý oryndardaǵy ǵylym men ınnovasııany damy­tý­dyń tıimdiligi álemdik táji­rıbede moıyndalyp otyrǵany, qazaqstandyq ǵylymnyń búgingi jáne erteńgi kúniniń basty máseleleri týraly aıtyldy.
Akademııanyń aldaǵy min­detterin Ulttyq ınjenerlik aka­demııasy tóralqasynyń Bas ǵalym-hatshysy Gúlbazar Me­dıe­va habarlady. Onda Slo­ve­nııada ornalasqan Akade­mııanyń Qazaqstan-Eýropa orta­lyǵy arqyly Qazaqstanǵa Eýro­padan tehnologııalardy trans­fertteý týraly, Qytaı Inje­nerlik akademııasymen birle­se otyryp, Jibek jolyn qaıta órletý jobasyn iske asyrý jónin­de aıtyldy.

 Otyrysty qorytyndylaı kele, Ulttyq ınjenerlik akade­mııasynyń prezıdenti B.Ju­ma­­ǵulov elimizdiń ǵylymı-ınje­nerlik qaýymdastyǵynyń al­dynda turǵan ǵylym nátıje­lerin túbegeıli jańa deńgeıine kóshirý, ony óndirispen, bıznes­pen biriktirý, naryqtyń perspek­tıvalyq tehnologııalyq talaptaryn qanaǵattandyrý mindetterin atap aıtty. Bul Qazaqstan Pre­zıdenti strategııalyq baǵytynyń mindetterin iske asyrýǵa, sonyń ishinde álemniń 30 damyǵan memleketiniń qataryna kirýge akademııalyq qoǵamdastyqtyń qosatyn úlesi bolmaq.