Sýretti túsirgen Aıgúl Esenálıeva
Joǵary oqý oryndarmen yntymaqtastyq týraly, óńir jastarynyń sheteldik joǵary oqý oryndarynda bilim alýyn qoldaıtynyn aıtyp, reseılik joǵary oqý oryndaryn ashyq túrde jumys isteýge shaqyrdy. Sondaı-aq, respýblıkalyq qoǵamdyq-saıası «Vremıa» gazetinde quqyq qorǵaý organdarynyń qyzmetkerleri pavlodarlyq oqýshylardyń Novosibir ýnıversıtetine túsýge test tapsyrýyn toqtatýyna baılanysty shyqqan maqalaǵa qatysty pikirin bildirdi.
Oblys ortalyǵyndaǵy № 6 mektepte Novosibir memlekettik tehnıkalyq ýnıversıteti óńirdegi Slavıan ortalyǵymen birlesip bıylǵy jyldyń 22-naýryz kúni testileý ótkizgen. Dinıslam Bolathanuly barlyǵy da bizdiń eldiń zań talaptary aıasynda uıymdastyrylýy tıis ekenin eske saldy. Novosibir ýnıversıtetiniń oqytýshylary Pavlodarǵa jeke tulǵa retinde eshbir qyzmettik kýáliksiz, issapar paraǵysyz kelgen kórinedi. Qazaqstandyq jáne sheteldik joǵary oqý oryndary oqýshylardyń qatysýymen ótetin sharalardy uıymdastyrmas buryn oblystyq bilim berý basqarmasyna habarlasý kerektigi, qajetti kelisim sharttar jasalýy kerektigi aıtyldy. Oblystyq bilim berý basqarmasy barlyq álemdik JOO-men túrli olımpıadalardy ótkizýge daıyn. Ekinshiden, qaýipsizdik máselesi bar. Qazir oqýshylardyń, jastardyń sanasyna keri áser etetin túrli trenıngter bar. Oqýshylardyń Rýhanı qaýipsizdigine jaýapkershilik–basqarmanyń mindeti. Osy jaıdan keıin Novosıbır memlekettik ýnıversıtetiniń rektory Anatolıı Bataevpen telefon arqyly sóıleslip, aldaǵy ýaqytta eki jaq oqý-bilim salasyna qatysty sharalardy zań sheńberinde ótkizý kerek degen sheshimge kelgen. Al, «Slavıan» ortalyǵynyń jetekishisi
T. Kýzına elimizdiń zań normalaryn jete mán bermegen soń, osyndaı Olımpıadany uıymdastyrǵanyn moıyndaı kele qateligin túsindi. Bul jaǵdaıdan keıin № 6 mekteptiń dırektory Galına Kýlakovskaıa óz erkimen dırektor laýazymynan bas tartyp, muǵalim retinde qalmaq.
Farıda Byqaı,
«Egemen Qazaqstan»
Pavlodar
