Májilis Tóraǵasy Marokko Koroldiginiń elshisin qabyldady

Májilis Tóraǵasy Marokko Qazaqstannyń Soltústik Afrı­ka­daǵy mańyzdy áriptesi ekenin aıtty.

О́tken jyly eki el arasynda dıplomatııalyq qatynastyń orna­ǵanyna 25 jyl toldy. Osy ýaqyttar ishinde bizdiń elderimiz arasyndaǵy baılanys syndarly damyp keledi.

Májilis Spıkeriniń piki­rinshe, BUU, IYU, Afrıka oda­ǵy uıymdary deńgeıinde ha­lyq­aralyq ózekti máseleler boıyn­sha bizdiń elderimizdiń ustany­my óte jaqyn. Osy rette N. Nyǵ­matýlın Qazaqstan Prezı­denti Nursultan Nazarbaevtyń halyqaralyq qaqtyǵystardy retteýde elder arasyndaǵy ózara senim men syndarly únqatysýǵa basa nazar aýdaratyndyǵynyń mańyzdylyǵyna toqtaldy.

Odan ári kezdesý ıeleri saýda-ekonomıkalyq, mádenı-gý­ma­nıtarlyq áriptestik jaıyn tal­qy­lady.

N.Nyǵmatýlınniń aıtýyn­sha, bizdiń elderimiz arasynda kólik-logıstıka salasyn paıda­la­nýdyń áleýeti zor. Sondaı-aq Eýrazııalyq ekonomıkalyq odaq aıasynda ózara is-qımyldy tereńdetýdiń múmkindigi mol.

Sonymen birge mashına jasaý, aýyl sharýashylyǵy, «jasyl energetıka» salalarynda yntymaqtastyqty kúsheıtý basym baǵyttardyń biri bolyp tabylady.

О́z kezeginde Abdeljalıl Saýbrı bizdiń elderimiz ara­syn­daǵy saıası ári dıplomatııalyq qaty­nastyń óte joǵary deńgeı­de ekenin jáne Marokko ózara yq­paldastyqty odan ári tereń­de­týge yntaly ekenin jetkizdi.

Taraptar parlamentaralyq baılanys jaıyn sóz etkende yntymaqtastyq jónindegi top, sondaı-aq beıindi komıtetter tóńireginde áriptestik Qazaqstan men Marokko arasyndaǵy ózara is-qımyldy jan-jaqty damytýǵa zor yqpal etetinin aıtty.