Semeıde energııa tapshylyǵyn joıý úshin qýaty 360 MVt jáne jylý qýaty 1000 Gkal bolatyn JEO-3 salý josparlanǵan. Sondaı-aq Kýrchatov qalasynda 700 MVt-tyq kondensasııalyq elektr stansasyn jáne qýattylyǵy jylyna 800 myń tonnadan asatyn ammıak pen karbamıd óndiretin keshen salý kózdelgen. Jobalardyń jalpy quny 1,5 trln teńgeden asady.
«Atalǵan jobalardy júzege asyrý oblystyń energetıkalyq qaýipsizdigin qamtamasyz etýge, qýat tapshylyǵyn azaıtýǵa jáne óńirdiń áleýmettik-ekonomıkalyq damýyn yntalandyrýǵa tamasha múmkindik beredi. Semeı qalasynda jobanyń bastalýy bıylǵa, aıaqtalýy 2029 jyldyń sońyna josparlanǵan. Memleket basshysynyń tapsyrmasyna sáıkes bul jumystar energııaǵa degen qajettilikti tolyǵymen jabýǵa múmkindik beredi», dep atap ótti Berik Ýálı.
