Áleýmettik osal toptarǵa ońdy kózqaras qajet

Qoldanystaǵy zańnamaǵa sáıkes, bankter banktik qaryz shartynda kózdelgen qaryzdardy óteý boıynsha kez kelgen sharalardy qoldanýǵa, sonyń ishinde sottan tys nemese sot tártibimen kepilge salynǵan múlik arqyly óndirip alýǵa quqyly.

Úndeýde memleket tarapynan qolǵa alynǵan ıpotekalyq nesıeni qaı­ta qarjylandyrý baǵdarla­ma­sy sheńberinde azamattarǵa qol­daý kór­setý úshin qajetti shara­lar qabyl­­­da­nyp jatqany atap ótildi. Osy qu­jatqa sáıkes, halyqtyń áleý­met­tik osal toptaryna jatatyn qaryz alý­shy­larǵa, sondaı-aq 2004 jyl­dan 2009 jylǵa deıingi kezeńde ıpo­te­­kalyq nesıe alǵandarǵa kómek kórsetý kózdelgen.

Osy jyldyń aqpan aıynda Ult­tyq banki ekinshi deńgeıdegi bankterge joǵaryda atalǵan baǵ­darlama ólshemine sáıkes keletin qaryz alýshylardy baspanasynan shyǵarý tártibin toqtata turý jóninde usy­nymdar jiberdi.

Ombýdsmen, sondaı-aq atalǵan baǵdarlama sheńberinde zańdy kúshine engen sot aktileri bar ıpotekalyq turǵyn úı/ıpotekalyq qaryzdar qaıta qarjylandyrýǵa jatatynyna nazar aýdardy.

Azamattardyń kelip túsken ótinish­terin taldaý jáne tıisti sot tájirıbesi sottardyń kepil múlkin satý jolymen bereshekti óndirip alý týraly bankterdiń talaptaryn qarastyrǵan kezde, ádette olardyń paıdasyna sheshim qabyldanatynyn kýálandyrady.

О́z úndeýinde Adam quqyqtary jónindegi ýákil qabyldanǵan sot sheshimderine jáne boryshtyq mindet­temelerdi oryndaý qajetti­ligi týraly bankterdiń talap aryzdarynyń negizdiligine narazylyq bildirmeı, sony­men qatar sottardyń mundaı ister­di jeke tártippen, barlyq mán-jaı­lardy eskere otyryp, son­daı-aq banktik qaryzy boıynsha min­det­teme­leriniń merzimin ke­ıi­n­­ge qal­dy­rý nemese tártibin óz­ger­­tý múmkin­digin qarastyrýdyń ma­ńyz­dylyǵyn atap ótti. Bul jaǵ­daı­da áńgime tek halyq­tyń áleýmet­tik ál­siz toptaryna jatatyn, kepildik qam­tamasyz etý úshin jal­ǵyz turǵyn úıin usynǵan jáne qıyn qarjylyq jaǵdaıdy bastan keshi­rip júrgen, qoldaýǵa muqtaj qa­ryz alýsh­ylar týraly aıtylyp otyr.

Buryn bul másele Ombýdsmenniń tıisti organdarǵa, onyń ishinde Ult­tyq bankke jiberilgen úndeý­ler­diń nysany boldy. Alaıda aza­mat­­­tardyń ult­tyq quqyq qorǵaý meke­mesine ke­l­ip túsken shaǵym­dary máseleniń she­shi­min tappaı otyr­ǵanyn kýálan­dyrady.

Joǵarǵy sot tóraǵasymen ynty­maq­tastyq týraly qoldanystaǵy memorandýmǵa sáıkes, Ombýdsmen bank qaryzdaryn óndirip alýdyń sot tájirıbesi qorytyndylanǵan kezde, memleket tarapynan qolǵa alynyp jatqan ıpotekalyq qaryz alýshylarǵa qoldaý sharalaryn, atap aıtqanda halyqtyń áleýmettik osal toptaryna jatatyn azamattardyń jalǵyz turǵyn úıin saqtap qalýyn eskerý ótinishin bildirdi.

Halyqaralyq standarttarǵa sáıkes, kóshirý úısiz adamdardyń nemese basqa da quqyqtardyń buzylýy­na ushyraǵan adamdardyń paıda bolýyna alyp kelmeýi kerek. Osy oraıda Úndeýde BUU Arnaıy baıandamashysy R.Rol­nık­tiń Qazaqstanǵa jetkilikti turǵyn úı máselesi boıynsha sapary qorytyndysy negizinde, az qam­tylǵan otbasylardyń nesıe jáne ıpotekalyq qaryzdardy óteý qabiletsizdigine oraı azamattar­dy májbúrlep úıden shyǵarý máse­lesine erekshe kóńili bólingen.

«Egemen-aqparat»