Qazaqstannyń barlyq aımaqtary tárizdi Qostanaı oblysy úshin de turǵyn úı máselesi eń ózekti problemalardyń biri. Bizdiń qoǵamdyq qabyldaýǵa kelýshilerdiń deni osy máselege baılanysty alańdaýshylyqtaryn bildirip jatady. Endi Prezıdenttiń bastamasy arqyly eńbek ónimdiligi artady, mamandar tapshylyǵy azaıady, jumys sapasy jaqsara túsedi dep esepteımin.
Al salyqtyq jeńildikter arqyly jumys isteıtinder esebin naqtylaýǵa da múmkindik týyndaıdy.
Bizdiń Qostanaı oblysy shekaraǵa jaqyn ornalasqandyqtan mektep túlekteriniń Reseı Federasııasynyń kórshiles oblystarynyń joǵary oqý oryndaryn tańdaıtyny qynjyltatyn. Oqýshylarmen sóılese kele, olardyń reseılik oqý oryndaryndaǵy tegin bilimniń qoljetimdiligi men jataqhanamen qamtý jaǵdaıy qyzyqtyratyndyǵyn bildik. Endi Elbasynyń tyń bastamasy daryndy balalarymyzdyń otandyq oqý oryndaryna qyzyǵýshylyqtaryn arttyratyndyǵyna senimdimin.
Al shaǵyn nesıeler sanynyń artýy aýyldaǵy aǵaıyndardyń óz kásibin ashyp, turmysyn túzetýine yqpal etetindigine kúmánim joq.
Jalpylaı alǵanda, Prezıdenttiń bes bastamasy búgingi suranysqa saı keletindigi qýantady.
Ekaterına SMYShLIаEVA,
«Qostanaı oblysynyń Kásipodaqtar ortalyǵy» aýmaqtyq kásipodaq birlestiginiń tóraıymy
