Sharýalar mamyrǵa deıin maqta shıtin tolyq egip bitýi tıis. Kóktemgi egis naýqanyna daıyndyqty pysyqtaý maqsatynda ótken semınar-keńeste aýdan ákimi Jamantaı Beısenbaev agroónerkásip keshenin damytýdyń negizgi 5 baǵytyn aıqyndady. Aýyl sharýashylyǵy taýar óndirýshilerin qoljetimdi nesıe qarjylarmen qamtamamsyz etý, aýyl sharýashylyǵy kooperatıvteri men mashına-traktorlyq stansalar júıesin jetildirý, ónimderdiń eksporttyq áleýetin arttyrý, sýarmaly jerlerdiń kólemin ulǵaıtý, modýldi sút qabyldaý beketterin, mal bordaqylaý alańdaryn ashý, saqtaý qoımasyn salý ári aýyl sharýashylyǵy ónimderin ózge aýdandar men oblystarǵa tasymaldaý arqyly saýdalaý josparlanyp otyr. Sondaı-aq aýdanda tamshylatyp sýarý ádisin keńinen qoldanyp, ónerkásiptik jylyjaılar kólemin ulǵaıtý, jylyjaı klasterin ári qaraı damytý kózdelýde. Búginde aýdandaǵy 107 kooperatıvtiń 52-si aǵyn sý jetkizip berýmen aınalyssa, 45-i mıneraldy tyńaıtqyshtar taratýmen shekteledi. Endi aldaǵy bir jylda óńirden aýyl sharýashylyǵy salasyndaǵy negizgi kúshke aınalatyn kooperatıvterdiń qatary artpaq.
Al Saıram aýdanynda shaǵyn jáne orta kásipkerlik salasynda 25 myńnan astam sýbekt jumys isteıdi. Bıyl 6 ınvestısııalyq jobany iske asyrý arqyly ónerkásip ónim kólemin 39,3 mlrd.teńgege jetkizip, ósimdi 8 paıyzǵa jetkizý josparlanýda. Aýdandaǵy ónerkásip óndirisiniń úlesi oblys boıynsha 4,2 paıyz kóleminde. «О́ńirler kásipkerligin qoldaý kartasyna» aýdannan 13 joba engen. Olardyń jalpy quny - 7,3 mlrd.teńge. 2018 jyly baǵdarlama aıasynda «Konýs ı K», «Birlik» JShS, «Kóktal Grýpp», «Elıt Storı M&A» syndy 4 jobany iske qosý josparlanǵan. «Damý» baǵdarlamasyna sáıkes, 2020 jylǵa deıin ónim kólemin 58,8 mlrd teńgeden 64 mlrd teńgege, onyń ishinde bıyl aýyl sharýashylyǵyndaǵy ónim kólemin 59,5 mlrd teńgege jetkizý kózdelgen.
Erkin DOSYMBAI,
Ońtústik Qazaqstan oblysy
