Zań jobasy Memleket basshysynyń 2017 jylǵy 4 qyrkúıekte Qazaqstan Respýblıkasy Parlamentiniń altynshy shaqyrylymy úshinshi sessııasynyń ashylýynda bergen tapsyrmalardy iske asyrý maqsatynda ázirlendi.
Qujatta Qazaqstan halqy Assambleıasy qyzmetiniń, qurylymy men basqarý organdarynyń quqyqtyq mártebesin, maqsattaryn, mindetterin, qaǵıdattaryn, negizgi baǵyttaryn naqtylaý kózdelip otyr. Qazaqstan halqy Assambleıasynyń qyzmetine qoǵamdyq kelisim men jalpyulttyq birlik salasyndaǵy qaıyrymdylyq pen medıasııany damytýǵa yqpal etý túrinde jańa baǵyt engiziledi. Jańa bap Assambleıanyń maqsattary men mindetterin bólisetin etnomádenı birlestikterdiń qyzmetterin retteıdi, azamattardyń belsendiligi men ózindik áreketin damytýǵa, olardyń dástúrlerdi, tilder men mádenıetti saqtaý jáne damytý salasyndaǵy múddelerin qanaǵattandyrýǵa baǵyttalǵan. Zań jobasy dástúrlerdi, tilder men mádenıetti saqtaý jáne damytý salasyndaǵy etnomádenı birlestikterdiń qyzmetine memlekettik qoldaýdy júzege asyrýdy, memlekettik organdardyń Qazaqstan Respýblıkasynyń zańnamasyna sáıkes qoǵamdyq kelisim men jalpyulttyq birlikti nyǵaıtýdy kózdeıdi. Sondaı-aq etnomádenı birlestikter ınstıtýty odan ári jetildirýge baǵyttalǵan qoǵamdyq akkredıtteý rásiminen ótetin bolady.
Zańǵa sonymen qatar qoǵamdyq kelisim men jalpyulttyq birliktiń qazaqstandyq modeliniń, memlekettik organdardyń, uıymdardyń jáne azamattyq qoǵam ınstıtýttarynyń etnosaralyq qatynastar salasyndaǵy ózara is-qımylynyń tıimdiligin arttyrýǵa arnalǵan erejeler engiziledi. Qazaqstan halqy Assambleıasynyń jumys isteýin uıymdastyrýshylyq, qarjylyq, materıaldyq-tehnıkalyq jáne ózge de qamtamasyz etý maqsatynda zań jobasynda Assambleıanyń atqarýshy organdary aıqyndalady jáne olardyń qyzmetiniń tártibi retteledi.
Zań jobasynyń qabyldanýy Qazaqstan qoǵamyndaǵy etnosaralyq kelisim men toleranttyqty, eldegi turaqtylyq pen quqyqtyq tártipti odan ári nyǵaıtý úshin qolaıly jaǵdaılarmen qamtamasyz etýge yqpal etetin bolady.
Zań jobasy Palatanyń qaraýyna jiberildi.
