Qyzylorda qalasyndaǵy №267 mekteptiń 6 synyp oqýshysynyń talanty erterek tanylǵan. Jeti jasynan bastap oıly sýretterimen tańǵaldyrǵan jetkinshek óleń, ertegi jáne áńgime jaza bastaǵan eken.
Altynaıdyń júrek lúpili tanylyp turatyn shyǵarmalary respýblıkalyq basylym betterinde jaryq kóre bastaǵannan oǵan oqyrmandar erekshe nazar aýdarǵan edi.
Qarshadaı qyzdyń ádebıetke talpynysy Memleket basshysyn da tebirentip, 2014 jyly «Qazaqstan joly» kitaby syıǵa tartyldy. 2016 jyly Elbasy Altynaıǵa shyǵarmashylyq tabys tilep, Alǵys hatyn jiberdi. О́ziniń izgi tilegi jazylǵan, qoltańbasy qoıylǵan «Eýrazııa júreginde» kitabyn syıǵa tartty.
Balalarǵa balalardyń tilimen jazý kerek. Jas bolsa da óz tustastaryna arnap jazyp júrgen Altynaıdyń bul turǵyda jóni bólek. Aıtqandaı, on jasar jazýshynyń «Ertegiler» toptamasy ult rýhanııatynyń janashyry, oblys ákimi Qyrymbek Kósherbaevtyń qoldaýymen jaryq kórdi.
Baqtııar TAIJAN,
«Egemen Qazaqstan»
Qyzylorda oblysy
