Kórme sóresine qoıylǵan sýretter bir ǵana Szıansý provınsııasynyń óndiristik qýaty jáne ekonomıkalyq áleýetine, sondaı-aq aımaqtyń tabıǵı geografııalyq landshafty ereksheligine arnalǵan eken. Atalmysh provınsııa Qytaı eliniń shyǵysy, ıaǵnı teńizdiń jyly lebi shaıyp jatqan kórikti ólke. О́ndirisi de damyǵan. Aımaqtyń ishki jalpy ónimi jan basyna shaqqanda eldegi eń joǵary kórsetkishke ıe. Turǵyndar sany 80 mln. О́tken jylǵy EKSPO kórmesi aıasynda Qytaı pavılonynda Szıansý provınsııasynyń arnaıy aptalyǵy ótti. Provınsııa ekonomıkasy – «Bir beldeý – bir jol» strategııasy men elimizdegi «Nurly jol» memlekettik baǵdarlamasynyń basty ınvestory.
Kórmeniń saıası mańyzy jaıly kópshilikti habardar etken Ulttyq mýzeı dırektorynyń orynbasary Abaı Satybaldın, eki el arasynda mádenı-gýmanıtarlyq sala boıynsha yntymaqtastyq qatynastar damyp kele jatqanyna toqtalsa, óz kezeginde sóz alǵan QHR Qazaqstandaǵy Tótenshe jáne ókiletti elshisi Chjan Hanhýeı myrza óz elinde jetekshi óńir sanatynan oryn alyp otyrǵan Szıansý ólkesiniń búgingi damýy jalpy Qytaı ekonomıkasynyń bir kórsetkishi ekenine toqtalyp, atalmysh kórmeniń mindeti – eki el dostyǵyn bekemdeı túsýge baǵyttalǵanyn aıtty.
Beken QAIRATULY
Sýretti túsirgen Orynbaı BALMURAT,
«Egemen Qazaqstan»
