Budan bólek, elde ındýstrııalandyrý úderisterine qatysty da atqarylǵan jumystar az emes. Osy oraıda Qazaqstannyń úshinshi jańǵyrtylýy bastalǵanyn, ındýstrııalandyrý baǵdarlamasy iske asyrylyp jatqanyn, «Sıfrly Qazaqstan» baǵdarlamasy qolǵa alynǵanyn, «Qazaqstan-2025» Strategııalyq jospary ázirlengenin aıtýǵa bolady. Qazaqstanda tehnologııalyq revolıýsııanyń, tehnologııalyq jetistikterdiń múmkindikterin paıdalana otyryp, ekonomıkalyq damý deńgeıin arttyrýǵa keńinen jol ashylyp otyr.
Qazaqstan Prezıdenti N.Nazarbaev bıylǵy Joldaýynda eldiń qoǵamdyq-ekonomıkalyq damýynyń negizgi mindetterin naqtylap berdi. Memleket basshysy bul Joldaýynda Qazaqstannyń jańa tehnologııalardy, ásirese sıfrly tehnologııalardy paıdalaný, ónerkásip, aýyl sharýashylyǵy, logıstıka, qarjy, eńbek jáne qurylys salalaryn damytý deńgeıin jaqsartý máselelerine keńirek toqtalýy kóptiń kóńilinen shyqty dep oılaımyz.
Buǵan qosa, Prezıdent áleýmettik menedjmenttiń deńgeıin kóterýge, sybaılas jemqorlyqqa qarsy kúresýge jáne zań ústemdigin nyǵaıtýǵa múmkindik beretin aldyńǵy qatarly tehnologııalardy paıdalaný Qazaqstandy damyta túsetinin, tıimdi basqarýdy jáne ekonomıkalyq damýdyń jyldamdyǵyn arttyrýǵa jol ashatynyn atap ótti.
Qazaqstan Prezıdenti Nursultan Nazarbaev álemdik ekonomıkany damytýdyń qazaqstandyq baǵdarlamasyn tanystyrdy. Qazirgi ýaqytta álemdik ekonomıka áli de qalpyna kelýde, al memleketter ekonomıkalyq damýdyń jańa joldaryn zerttep jatyr. Osyǵan baılanysty halyq sharýashylyǵyn damytýdy yntalandyrý jáne áleýmettik menedjmenttiń deńgeıin kóterý úshin sıfrly ekonomıka men tórtinshi ındýstrııalyq revolıýsııanyń tehnologııalyq qurylymyn durys qoldaný asa mańyzdy. Bul másele barlyq elderdiń aldynda kún tártibinde tur.
Osy turǵydan kelgende, Prezıdent N.Nazarbaevtyń Qazaqstan halqyna arnaǵan Joldaýy eldi damytýdyń tamasha ári tolyqqandy jospary bolyp tabylady.
Biz N.Nazarbaevtyń basshylyǵymen Qazaqstan budan da úlken jetistikterge jetetinine senemiz. Eldiń aımaqtyq jáne halyqaralyq isterge yqpaly kúsheıe túsedi jáne halyqaralyq mártebesi joǵary bolady.
Lıý HÝChIN,
QHR Saýda mınıstrligi janyndaǵy
Halyqaralyq saýda jáne ekonomıkalyq yntymaqtastyq akademııasynyń aǵa ǵylymı qyzmetkeri
Qazaqstandaǵy áleýmettiń áleýetin arttyrýǵa baǵyttalǵan qujat – «Prezıdenttiń bes áleýmettik bastamasynda» ulttyq tutastyqty nyǵaıtýǵa, áleýmettik salany bekemdeýge erekshe kóńil bólingendigin atap ótkim keledi. Máselen, baspana qoljetimdi bolsa, jastar grant arqyly tegin bilim alsa, ol memlekettiń bolashaǵy baıandy bolmaq.
Bul – jahandaný zamanynda urpaqtyń nanotehnologııany alańsyz ıgerip, ýaıymsyz ósýine baǵyttalǵan negizgi joba. Áleýmettik salaǵa baǵyttalǵan túrli baǵdarlamalardy jurt bolyp júzege asyrǵanda ǵana, uly maqsattarǵa jetýge bolady. Sol sebepti bul barlyq áleýmettik bastamalar óte mańyzdy. Mysaly, halyqty baspanamen qamtý, kógildir otyn jetkizý, salyq tólemderin meılinshe azaıtý kópshiliktiń áleýmettik jaǵdaıynyń jaqsarýyna áser etedi. Shaǵyn nesıelik ınnovasııalyq jobalar men «7 – 20 – 25» baǵdarlamasy da búgingi naryqtyq ekonomıkada áleýmettik baǵyttyń damýyna negiz bolady.
Ravshan NAZAROV,
О́zbekstan Respýblıkasy Ǵylym akademııasy tarıh ınstıtýtynyń
«Zamanaýı tarıh jáne halyqaralyq zertteýler» bólimi meńgerýshisiniń orynbasary
