Úlken teatrda án shyrqady

Serikqalı BAIMENShE, «Egemen Qazaqstan» – Máskeýden.

«Úlken teatrda án shyr­qady» – vokal ónerinde bul sóz kóp jaıdy ańǵartady. Vena operasy, Parıjdegi Grand-opera, Nıý-Iorktegi «Metropolıten-opera» sııaq­ty asa bedeldi sahnalar sa­natynda turatyn Úlken teatrda óner kórsetý qandaı ánshi úshin de úlken abyroı. Keshe osy abyroıǵa Darıǵa Nazarbaeva ıe boldy. Elimiz Táýelsizdiginiń 20 jyldyǵyna arnalǵan Úlken teatrdaǵy saltanatty Qazaq­stannyń Reseıdegi Tótenshe jáne ókiletti elshisi Zaýyt­bek Turysbekov kirispe sóz sóılep ashty. Tutas tarıhı dáýirge aınalǵan bul 20 jyl­da bizdiń elimiz Tuńǵysh Prezıdent Nursultan Nazar­baev­tyń basshylyǵymen egemen memlekettiń barlyq belgilerine ıe bolyp, úlken tabys­tarǵa jetti, dep atap ótken Z.Turysbekov Úlken teatr sahnasyndaǵy Darıǵa Nazar­baevanyń konserti Qazaqstan men Reseıdi odan ári jaqyn­dastyrýǵa qyzmet etetinin, sebebi mýzyka men óner beıbitshilik pen kelisim ıdeıala­ryn alǵa jyljytýdyń tıimdi tetigi ekenin aıtty. «Qazaq­standa osy jyldarda jasal­ǵan sharalardy oılasań qaı­ran qalasyń. Azııanyń, álem­niń eń sulý da osy zamanǵy qalalarynyń birine aınalǵan Astananyń ózi nege turady. Nursultan Ábishulynyń berik qoly men danalyq strate­gııa­lyq erik-jigeri bolmasa, Qa­zaqstannyń jetistikteri de dál mundaılyq jarqyn bolmas edi», dedi Reseı Fede­rasııasy Syrtqy ister mı­nıstriniń birinshi orynbasary Andreı Denısov. Darıǵa Nazarbaevanyń kon­sertine «Sazgen sazy» folk­lorlyq-etnografııalyq ansambli, pıanıst Tımýr Ýr­mancheev, Reseı Federasııasy Ishki ister mınıstrliginiń aka­demııalyq án-bı ansambli sú­ıemeldeýshilik jasady. Tal­ǵam­paz Máskeý jurt­shylyǵy ánshi ónerin jo­ǵary baǵalady. Ataqty ánshi Iosıf Kobzon: «Men onyń daýysyn talaı ret – Astanada da, Máskeýde de tyńdaǵanmyn, ol, sóz joq, kásibı ánshi. Darı­ǵanyń da­ýysyn estýge taǵy da shyn yqylasymmen keldim» dedi konsertten keıin. Úlken teatrdaǵy keshke Reseı Federasııasynyń memlekettik vedomstvolarynyń jetekshileri, Reseıde tirkelgen shetel elshilikteriniń dıp­lomattary, qazaq dıaspora­synyń ókilderi qatysty.