Jergilikti delegasııa Qytaıdyń Iаnlın qalasynda ornalasqan aýyl jáne orman sharýashylyǵy tehnıkalyq ýnıversıtetimen memorandýmǵa qol qoıyp, áriptestik baılanys ornatty. Ekijaqty kelisim boıynsha qytaılyqtar jańa agrotehnıkalyq park turǵyzady. Kelesi jyly 2 stýdent pen 5 magıstrant akademııalyq utqyrlyq baǵdarlamasy aıasynda oqıtyn bolady.
«Iаnlın ýnıversıtetiniń ǵalymdary mamyr aıynda bizge kelip, aýyl sharýashylyǵy daqyldary suryptaryn aýdandastyrý tájirıbesimen bólisedi. Grobıologııalyq stansııada shyǵymdylyǵyn baqylaýǵa alady», deıdi SQMÝ-nyń akademııalyq máseleler jónindegi prorektory Erbol Isaqaev. Eki oqý ordasy aýyl jáne orman sharýashylyǵy salasynda ǵylymı-zertteý jumystaryn júrgizýdi de belgilep otyr.
Is-sapar barysynda ýnıversıtet delegasııasy aspan asty eliniń astanasy Beıjińde jumys isteıtin Mınzý ortalyq ýnıversıtetinde bolǵan. Munda 15 myńǵa jýyq stýdent bilim alady. Qazaq tili men ádbıeti pániniń muǵalimderin daıarlaıtyn arnaıy bólim bar. "Qazaq tili men ádebıeti" mamandyǵyna daıarlanyp jatqan eki stýdenti Mınzý ýnıversıtetinde, al olardan eki stýdent bizge kelip, bilim alatyn bolady.
SQMÝ-de aýyl sharýashylyǵy mamandyqtary boıynsha bilim alyp jatqan stýdentter "Taıynsha maı" JShS-de tájirıbeden ótedi. Bul kásiporynnyń quryltaıshysy– qytaılyq «Aıszıýı» kompanııasy.
Búginge deıin jergilikti JOO 40-tan astam sheteldik ýnıversıtetpen áriptestik ornatyp otyr.
О́mir Esqalı,
«Egemen Qazaqstan».
Soltústik Qazaqstan oblysy.
