Saqtandyrý isine jaýapkershilik qajet

«Samuryq-Qazyna» ulttyq ál - aýqat qorynda saq­tan­dyrý máselesi boıynsha kezekti keńes bolyp ótti. Ony «Samuryq-Qazyna» ulttyq ál-aýqat qorynyń basqarýshy tór­aǵasy Tımýr Qulybaev júrgizdi. Keńeste qordyń enshiles uıymdary óz aktıvterin saqtandyrý maqsatynda jylyna shamamen 7,8 mlrd. teńge kóleminde eleýli qarjy jumsaıtyny atap ótildi. Bul tólem­derdiń negizgi bóligi 7 iri kompanııa – «QazMunaıGaz», «Qazaqstan temir joly», «Samuryq-Energo», «Eır Astana», «Qa­zaqtelekom», «Qazatomprom» jáne KEGOK enshisinde. Júrgizilgen taldaý kórsetkendeı, qor kompanııalar toby ara­synda saqtandyrý iri jáne senimdi saqtandyrý uıymdarymen júr­giziledi. Degenmen, saqtandyrý uıymdaryna degen talaptyń joq­ty­ǵy, qajetti baqylaýdyń bolmaýy, deldaldar qyzmetiniń tómendigi, oryn alǵan keıbir mańyzdy qaterdiń saqtandyrylýynyń bolmaýy, qarjylyq jaǵdaıy turaqsyz saqtandyrý kompanııalarynda saqtandyrýdyń bolýy sııaqty keleńsiz derekter de oryn alǵan. Keńes qorytyndysy boıynsha qor basshysy Tımýr Qulybaev enshiles kompanııalardaǵy aktıvterdi saqtandyrý úrdisiniń aıqyn­dy­ǵyn qamtamasyz etýge, qarajat shyǵynyn baqylaýǵa belsendilikti art­ty­rý­ǵa, sondaı-aq qyzmet qunyn arttyrýdyń barlyq jaǵ­daıyn qarastyra otyryp, shyǵyn keltirgen jáne zań buzýshylyqqa jol bergen kompanııa qyzmetkerlerin jaýapkershilikke tartý jóninde tapsyrma berdi. «Egemen-aqparat».