El gazetine qurmetimiz erekshe

Mıllıondaǵan ur­paq­tyń tárbıeli de tálimdi bolyp ósýine, rýhanı baı bolyp qalyptasýyna erekshe úle­sin qosyp kele jat­qan el gazeti – «Egemen Qazaqstan» basy­ly­my­na qurmetimiz erekshe. Úlken-kishi ár nómirin asyǵa kútip otyrady. Bul tur­ǵydan kelgende, bizdiń Ońtús­tik Qazaqstan memlekettik ýnıversıtetiniń ujymy da bas basylymǵa qashanda tilektes. Táýelsizdigimizdiń 20 jyl­dy­ǵy qarsańynda Elbasy Nur­sul­tan Nazarbaevtyń qoldaýy­men qaıta ashylǵan 75 jyldyq tarıhy bar irgeli bilim or­da­sy­nyń oqytýshy professor­la­ry men stýdentteri «Egemen Qa­zaqstan»   gazetiniń al­daǵy 2012 jyldyń birinshi jartyjyldyǵyna ja­zylý jumysyna bir kisideı atsalysýda. Qa­zir­diń ózinde 150 danasyna ja­zylǵanymyz jóninde gazet prezıdenti Saýy­t­bek Abdrahmanovtyń aty­na jol­daǵan jedel haty­myzda jetkizgen bolatynbyz. Biz úshin eń qymbattymyz da, kıelimiz de Táýelsizdik. Táýel­sizdiktiń bitim bolmysy Elbasy arqyly kóz aldymyzǵa elesteıdi. Memleket basshysynyń tikeleı qamqorlyǵymen qaıta shańyraq kótergen ınstıtýtta 23 maman­dyq boıynsha kadr daıyndalady. 65 paıyz oqytýshylarymyzdyń ǵylymı ataǵy bar. Olar jańa zaman úrdisine sáıkes ǵylymnyń, bilimniń zor jetistikterimen qarýlanǵan. Sonyń nátıje­sinde ulttyq rýhy myqty ári psıhologııalyq erekshelikterimizdi isimen dáleldep, kásibı maman daıyndaýǵa ólsheýsiz úlesterin qosýda. Kadr myqty bolmaǵan jerde bilim men bilik úılespeıdi. Bizdiń ujym osy jaǵyna jete mán berip, bola­shaq kásibı mamandardy daıyn­daý isine erekshe den qoıyp otyr. Ońtústik Qazaqstan memlekettik pedagogıkalyq ınstıtý­tynda Elbasy saıasatynyń jar­­shysy, halqymyzdyń jan­ashyry, ultymyzdyń uıytqysy sanalatyn basylymǵa jazylý jumysy aldaǵy ýaqytta da jalǵasa beretinine senim mol. Ońalbaı AIаShEV, Ońtústik Qazaqstan memlekettik pedagogıkalyq ýnıversıtetiniń rektory, professor.