Eńbegi oń baǵalandy

Qazaqstan Respýblıkasynyń Prezıdenti Nursultan Nazar­baevtyń Táýelsizdiktiń tańsári shaǵynan bastap ekonomıkada bolsyn, saıasatta bolsyn, áleýmettik salada bolsyn Qazaq­stannyń ózgelerge úlgi bolatyndaı deńgeıde damýyna berik negiz qalady. Memleket basshysynyń tikeleı basshylyǵymen «Qazaqstan-2030» strategııalyq baǵdarlamasy qabyldanyp, elimizdiń uzaq merzimdi damý jolyn aldyn ala belgilep aldyq. Osynyń nátıjesinde Qazaq eli ekonomıkalyq reformalardy júzege asyrýda keshegi keńestik keńistiktegi respýblıkalardyń aldyn orap, ustanǵan ekonomıkalyq modelimiz keıingi elderge úlgi-ónege retinde usynylyp otyr. Máselen, Otanymyz áleýmettik salada aýyz toltyryp aıtarlyqtaı reformalardy sátti júrgizip, sonyń arqasynda el halqynyń ál-aýqaty joǵary deńgeıge kóterildi. Saıasat salasynda da demokratııa qundylyqtaryna sáıkes jańǵyrtýlar júzege asyrylyp, bul turǵyda da jetistikterimiz bar dep nyq senimmen aıta alamyz. Mine, osy aıtylǵandardyń barlyǵy bilikti basshy,  kóregen saıasatker Nursultan Nazarbaevtyń  eren eńbeginiń nátıjesinde júzege asqan sharýalar. Oıymdy túıip aıtsam, halyqtan shyqqan qaıratker, táýelsiz Qazaqstannyń negizin qalaýshy álem tanyǵan tulǵa búginde qandaı qurmetke de, qandaı ataqqa da laıyq. Sondyqtan Úkimet bastap, Parlament Senatynyń depýtattary qostap, Nursultan Nazarbaevqa «Halyq Qaharmany» ataǵyn berý týraly tıisti zańdarǵa tolyqtyrý engizilýin jáne osyǵan sáıkes oń sheshim qabyldanýyn elin súıgen  erdiń eńbegin óz deńgeıinde baǵalaý dep bilemin. Ǵalymbek AITMÝRZIN, mal dárigeri. Astana.