Elge ortaq qýanysh

Qazaqta: «Azamatyna qarap elin tany» degen qanatty sóz bar. Osy sózdiń túp-tórkininde bir úlken salmaq jatqandaı ǵoı. Qazaqstan Parlamenti Senaty depýtattarynyń Prezıdentimiz Nur­sultan Nazarbaevqa eń jo­ǵa­ry memlekettik ataq berý jónin­degi sheshimin estigende tóbem kókke eki eli jetpedi. Eńbegi zor Elbasyǵa búkil halyq bolyp qurmet kórsetý qazirgi kezeńde óte qajetti is ári mindet der edim. Aýmaly-tókpeli zamannyń qıynshylyǵyn kóp kórgen memleketterdiń biri – Qazaq eli. 1991 jylǵy tarıhı kezeńde, Keńes ókimeti kúırep, kindigi bir bolǵan elder tar jol, taıǵaq keshýde shalynyp-súrinip, búlinip jatqanda, kemeńger basshymyz Nursultan Nazarbaev sol bir qarańǵy túnekten halqymyzdy adastyrmaı, qatarymyzdy sıretpeı alyp shyqqan eren er boldy. Endeshe, osyndaı azamatqa bizdiń de qaryzymyz bar ekenin umyt­paǵanymyz abzal. Astana boı kóterip, qazaqtyń oı-órisi birge ósti, kóńili shalqyp shat-shadyman jaqsy ómirdi ba­sy­nan keship jatyr. Tarıhı tul­ǵanyń uly qasıetterin der kezinde baǵalasaq, bizdiń de baǵamyz joǵary bolady. Qazaq halqy osyndaı azamattarymen ózin osy qoǵamnyń bıiktegi ortasynan kó­rip otyr. Qýanyshymyz árdaıym uzaq, yntymaqtastyǵymyz jurt qyzyǵatyndaı ásem bolsyn. Astanaǵa irgeles jatqan aýdan ortalyǵy – Aqmol men Qosshy aýyldary jylma-jyl adam ta­ny­maıtyndaı oń ózgeristerge enip keledi. Salynǵan kópqa­bat­ty úıler, balabaqshalar men mektepter jurttyń ıgiligine jarap jatyr. Bıyldyń ózinde osy eldi mekenderde jáne Qabanbaı batyr aýylynda jańa eńseli bala­baqshalar tapsyrylmaq. Bul – egemendi elimizdiń 20 jyldyq toıyna jasalǵan tartý. О́tken jyly Selınograd aýdanynyń ortalyǵy – Aqmolǵa Nursultan Nazarbaev arnaıy kelip, túıini kúrdeli kóptegen máse­lelerdi ońtaıynan sheship berdi. Jol, elektr qýaty, telefon baı­la­nysy men turǵyn úı qury­lys­tary keńinen qanat jaıdy. Bul bizdiń aýdanymyzdyń turǵyn­dary­na erekshe bir syı boldy. Son­dyqtan, bizdiń eldiń Nur­sul­tan Ábishulyna aıtatyn alǵysy sheksiz. Men ózim osy qýanyshymdy elmen birge bólisip otyrmyn. Eńbegińiz jemisti bolsyn, qadirli Elbasy! Raýza DÚISEMBEKOVA. Aqmola oblysy, Selınograd aýdany.