Halqynyń baǵyna týǵan tulǵa

Men ǵana emes, barsha qazaqstandyq Elbasy  týraly týra osylaı aıtaryna shák keltirmeımin. Al, Úkimet basshysy Kárim Másimovtiń Tuńǵysh Prezıdentimizge zańdy negizde  «Halyq Qaharmany» ataǵyn berý boıynsha tıisti zańdarǵa tolyqtyrý engizý týraly usynysyn Úkimet músheleri bir­aýyzdan maquldaǵan zań jobasyn Parlament  Senaty depýtattarynyń qoldaýy halyq­tyń oıynan shyqty. El Táýel­siz­diginiń 20 jyldyǵy qarsańynda Tuńǵysh Prezıdentimiz  Nursultan Nazarbaevqa «Halyq Qaharmany» ataǵynyń berilýi aıryqsha mańyzdy tarıhı oqıǵa boldy. Bul elin súıer erin barsha qazaqstandyqtardyń da qurmetteıtininiń, qadirleıtininiń aıqyn kórinisi. Elbasynyń «Halyq Qaharmany» ataǵyn alýy bile bilsek halyqtyń aby­roıy, eldigimizdiń bedel-bıigi. Nursultan Ábishuly – bul ataqqa áldeqashan laıyqty adam. Onyń táýelsizdiktiń tuǵyrly bolýy jolyndaǵy tarıhı taǵylymdy isteri men izdenisteri Qazaqstandy álemge tanytty, osy arqyly ózin de álemdik saıasattyń altyn dińgegi bolyp júrgenderge ádemi  moıyndatty. Onyń osy jyldardaǵy bolattaı berik ustanymy ulan-ǵaıyr jumystyń atqarylýyna uıytqy boldy. Keńestik solaqaı saıasattyń qursaýynan bosap, elimiz egemendik alǵanda aq túıeniń qaryny jarylǵandaı aqjarylqap kúı keshkenimiz kúni keshe bolatyn. Halqynyń qa­laýymen memleket tizginin ustaǵan Nur­sultan Ábishuly sol eleń-alań shaqta da saıasattaǵy jáne ekonomıkalyq damýdaǵy ustanǵan baǵyttaryn aıqyn ańǵartqan-dy. Tarıhı qysqa kezeńde  ǵasyrda atqary­latyn sharýalardyń basy qaıyrylǵanyn kózimiz kórip, kóńilimiz sezip otyr. Áýeli ekonomıkany durys jolǵa qoıýdy qolǵa alǵan eli úshin týǵan erdiń saıasatta da álem­di moıyndatatyndaı qadamdar ja­saǵanyn aıtý lázim. О́tken jıyrma jylda táýelsiz memlekettiń negizi qalanǵany, demokratııalyq qoǵam qalyptasqany, ha­lyq­aralyq bedeldi qaýymdastyqtarǵa mú­she bolǵany Elbasy esimimen tyǵyz baı­lanysty. Táýelsiz jas memleketimiz naryqtyq qatynastarǵa tóselip, damýdyń qazaqstandyq aıshyqty jolyn tańdaýynda da Nursultan Ábishulynyń ózindik qoltań­basy jatqany sózsiz. Elordany  Arqadaǵy Astanaǵa kóshirip,  ózge memleketterdiń túsine de kirmeıtin irgeli de iri is tyn­dyrǵanyn tórtkúl dúnıe túgel bilip otyr. Bul Elbasynyń  erligi de, iskerligi de bolatyn. Azǵantaı ýaqytta asqaq ǵımarattary boı túzegen Astanada álemdik deńgeıdegi úlken jıyndar ótkizip, olarda ekonomı­kalyq damýdyń, beıbitshilik pen turaq­tylyqtyń tuǵyryn bekitetin sheshimderge qol jetkizýi bul kisiniń halqynyń baǵyna týǵan uly tulǵa ekeniniń aıqyn dáleli. Táýelsiz elimizdegi  halyqtyń birligi men yntymaǵyn saqtaýdaǵy eren eńbeginiń ózi nege turady. Ár alýan din ókilderiniń basyn Astanada áldeneshe ret qosýy, Semeı polıgonyndaǵy synaqtardy toqtatyp, Qazaqstandy ıadrolyq qarýsyz elge aınal­dyrýy, sońǵy jyldarda túrli baǵyt­tar­daǵy odaqtar qurýǵa bastamashy bolýy Nursultan Nazarbaevtyń qajyr-qaıra­tynyń, eliniń erteńi úshin qyzmet etýdegi janqııarlyǵynyń aıqyn aıǵaǵy bolsa kerek. Qalaı degende de Elbasynyń osyn­shalyqty eńbeginiń baǵasyn halyq áldeqashan berip qoıǵan. Alaıda, búgingideı  merekeli sátte eliniń erteńi úshin tulǵanyń týǵan halqynan laıyqty baǵasyn alýy oryndy boldy. Birtýar ulyna osyndaı qurmet kórsetýi arqyly Qazaqstan halqynyń da shoqtyǵy bıiktep,  bereke men birligi myǵym el ekenin taǵy bir pash etti. Muny men ultyn súıer ulyna degen halqynyń qaltqysyz súıispenshiligi dep oılaımyn, bolar eldiń balasy bola bilgenimizdiń bir úlgisi dep baǵalaımyn. Jumabek KÝKANOV, «Álııa joldary»  JShS bas dırektory, «Nur Otan» HDP Ortalyq tekserý komıssııasynyń múshesi. Aqtóbe oblysy.