Tabıǵatynan qaharman adam

Jasyratyn nesi bar, Táýelsizdiktiń alǵashqy jyldarynda el erge, er jerge qaraǵan zaman bolǵan. Bir qoǵamdyq formasııadan ekinshisine aıaq basyp, eleń-alań zamanda azattyǵyn alǵan Qa­zaqstannyń bolashaq baǵytynyń bu­lyń­ǵyr bolǵany da tarıhı shyndyq. Osyndaı sátte memleket tizginin qo­ly­na alǵan Elbasy Nursultan Ábishuly Nazarbaev eldi adastyrmaı, tar jol, taıǵaq keshýde qaldyrmaı, tumsyqtyǵa shoqyttyrmaı, tyrnaqty men azýlyǵa talatpaı syndarly sátten aman alyp shyqty. Aman alyp shyqty degen án­sheıin sóz. Eńsesi bıik elderdiń qatary­na jetelep júrip qosty. Aıtýǵa ońaı shyǵar. Biraq tyǵyryq­tan shyǵar joldy tabý ońaı sharýanyń qatarynan emes. Kúltegin jazýlarynda aıtylatyndaı, Elbasy «kún otyrmady, tún uıyqtamady». Qazaqstandy álem­niń aldyńǵy qatarly elderiniń qata­ry­na qosý úshin, eliniń órkendi ózgeris­ter­ge jetýi úshin, halqynyń baı-baqýatty ómir súrýi úshin boıyndaǵy bar qajyr-qaıratyn, bilimi men biligin, iskerligin, uıymdastyrýshylyq qabiletin, kóre­gen­digin, kósemdigin jumsady. El isinde Elbasynyń aıanyp qalǵan kezi joq. Azattyqtyń alǵashqy jyldarynda-aq Semeı polıgonyn jaýyp, qoldaǵy qýatty atom arsenalynan bas tartyp, beıbit joldyń dańǵylyn salýy Elba­sy­nyń kóregen sheshimderiniń biregeıi edi. Ol kisi osy arqyly álemdi beıbitshilikke shaqyrdy. Sol sara jolynan áli kúnge bir mysqalǵa da taıǵan emes. Elimizde ártúrli din ókilderiniń bas qosýy, memleketimizdi meken etken 130 ult pen ulystyń tatý-tátti ómir súrip jatýy, Eýropadaǵy qaýipsizdik jáne yntymaqtastyq uıymyna tóraǵalyǵy­myz, Astana Sammıtiniń ótýi  Elba­synyń dara saıasatynyń arqasy. Álem Nazarbaevtaı kóshbasshynyń sózine qulaq túredi. Ol kisimen sanasady. Sol arqyly Qazaqstandy da qurmetteıdi. Nursultan Ábishuly Nazarbaev ta­bıǵatynan qaharman adam. Qazaqstandy qýatty memleketke aınaldyrǵany da osy qaharmandyǵy der edim. El Elbasynyń qaharmandyǵyn baıaǵydan aıtyp keledi. Al Táýelsizdiktiń 20 jyl­dyǵy qarsańynda Elbasyǵa «Ha­lyq Qaharmany» ataǵynyń berilýi – halyqtyń qalaýy. Bul – óte ádiletti ári tarıhı sheshim. Darıha AQMAǴANBETOVA, «Qyzylorda oblystyq Azamattyq alıans» qaýymdastyǵynyń tóraıymy.