Ulttyq kitaphanada ótken kitaptyń tusaýkeserine jınalǵan qaýym Shámshi ómirinen syr shertti. Jobanyń avtory kompozıtor shyǵarmashylyǵyn zertteýshi, kompozıtor Q.Qurmanáli fotoalbomnyń tarıhynan birqatar derekterdi ortaǵa saldy. Al qoǵam qaıratkeri A.Tshanov esimi kompozıtordyń ónerine janashyr, qamqor jandar qatarynan atalady. Kezinde Sh.Qaldaıaqov atyndaǵy «Meniń Qazaqstanym» festıvaliniń ótýine muryndyq bolǵan qoǵam qaıratkeri sol bir jyldardyń esteligin paraqtap, Shámshi murasynyń urpaqqa mıras bolyp qalatyndyǵyn atap ótti.
«Aýyl keshinde alystan mandolınmen úndesip qulaqqa úzilip jetetin sol bir áýenge yntyq bolmaǵan jan kemde-kem. Meni Shámshige jaqyndastyrǵan «Jeńeshe-aı» áni bolatyn» dep eske aldy UǴA akademıgi, О́.Aıtbaıuly. – Búginde el arasyna keńinen taraǵan Shámshiniń syrshyl da kórkem áýezdi ánderi bizdiń sol bir jastyq kezderimizdiń kýásindeı. Shámshimen qatar júrdik, shyǵarmashylyǵy da kóz aldymyzda ótti. Onyń ómirsheń ánderi áli de jasaı beredi».
Aýqymdy jınaq jeti bólimge jiktelipti. «Meniń Qazaqstanym» dep atalatyn alǵashqy bólim kompozıtordyń Otanǵa degen súıispenshiligi, týǵan ólke týraly ánderine arnalǵan. Al ekinshi bólim – «О́mir-ózen». Bólimde kompozıtor ómiriniń ár kezeńderin qamtyǵan fotoshejire bar. «Sol bir kez esimde...» dep atalatyn bólimde kompozıtor týraly estelikter jınaqtalsa, ári qaraı jalǵasyn tapqan «Shámshiniń áni»,«Sarǵaıǵan sýretter syry», «Amanat», «Shámshi-mura» bólimderinde oqyrmanyn beı-jaı qaldyrmaıtyn áserli sátter toptastyrylǵan.
Elvıra SERIKQYZY,
«Egemen Qazaqstan»
ALMATY
