Assosıasııanyń shtab-páteri Brıýssel qalasynda ornalasqan jáne ol Eýropadaǵy 800 jetekshi ýnıversıtetterdi biriktiredi. Onyń qyzmeti eýropalyq ýnıversıtetterge zamanaýı qajettilikterge jáne joǵary halyqaralyq standarttarǵa saı tıimdi damýǵa kómektesýge baǵyttalǵan. EÝA prezıdenti ǵylym men bilim salalarynyń kórnekti qaıratkerleri arasynan úsh jylda bir ret saılanady.
Kásipqoı, progressıvti kóshbasshy, kórnekti ǵalym jáne kóptegen ǵylymı-bilim berý jobalarynyń bastamashysy retinde Ǵalym Mutanov halyqaralyq akademııalyq qoǵamdastyqta keńinen tanymal. Eýropa keńistiginde ǵylym jáne bilim salasyndaǵy halyqaralyq yntymaqtastyqty nyǵaıtyp, damytqany úshin QazUÝ rektory Polsha Respýblıkasy Qyzmet ordeniniń Kavaler kresti, Fransııanyń Palma butaǵy akademııalyq ordeni, «Bilim jáne ǵylym salasyndaǵy kórnekti eńbegi úshin» atty ataýly altyn medalimen jáne basqa da marapattarǵa ıe bolǵan.
Onyń kandıdatýrasyn birqatar tanymal ýnıversıtetter qoldady. Mysaly, Reseı halyqtar dostyǵy ýnıversıtetiniń rektory Vladımır Fılıppov, Eýropalyq ýnıversıtetter qaýymdastyǵynyń bas hatshysyna joldaǵan qoldaý hatynda akademık Ǵalym Mutanov assosıasııanyń prezıdenti laýazymyna taǵaıyndalǵan jaǵdaıda, EÝA-ny pozıtıvti keleshek kútip turǵanyna shynaıy senim bildirdi.
Qazaqstan ókiliniń joǵary laýazymǵa usynylýy memlekettiń joǵary bilim júıesindegi jetistikteriniń álemdik deńgeıde tanylýynyń jarqyn kórinisi.
Arman OKTIаBR,
«Egemen Qazaqstan»
ALMATY
