ForteBank-tyń Astanadaǵy bas keńsesinde alǵash ret ForteDay sharasy uıymdastyryldy. Basqosý barysynda ForteBank jańa qyzmet túrleri men ónimderin tanystyrdy. Tanystyrylym banktiń Youtube, Facebook áleýmettik jelisindegi paraqshalarynda onlaın translıasııa arqyly kórsetildi. ForteDay sharasynda 2017 jylǵy bank qorytyndylary men statıstıkasy, banktiń alǵashqy úsh jyldaǵy ósim kórsetkishteri, bank qoldaýymen júzege asqan áleýmettik jobalar týraly aıtyldy. ForteDay “Sa’lem jiberemiz” taqyrybynda ótti.
Búginde 65 myńnan astam kompanııamen jumys isteıtin ForteBank byltyr qazaqstandyq úzdik bankterdiń bestigine kirip, Londondaǵy “The Banker” jýrnalynyń sheshimi boıynsha “Qazaqstandaǵy úzdik bank” nomınasııasyn jeńip alǵan bolatyn. Al bıyl ForteBank “Global Finance” jýrnalynyń qorytyndysy boıynsha “Qazaqstandaǵy úzdik bank” atandy.
CreditCard: 55 kúndik paıyzsyz nesıe
ForteBank ýaqyt ótken saıyn tutynýshylaryna jańa ónimder men qyzmet túrlerin usynýda. Solardyń biri – 3 mıllıon teńgege deıin nesıe alýǵa bolatyn CreditCard nesıelik kartasy. Paıyzsyz nesıe degendi estýińiz bar ma? Naryqtyq ekonomıka zamanynda ústemesiz nesıeniń bolýy múmkin emes sııaqty. Alaıda, ForteBank tutynýshysy CreditCard nesıelik kartasynyń kómegimen alǵan nesıeni 55 kúnniń ishinde paıyzsyz qaıtarý múmkindigine ıe. Sondaı-aq, karta arqyly jumsalǵan qarajattyń 15 paıyzy keshbek túrinde karta ıesine qaıtarylady. Sash-Back degenimiz – taýar nemese qyzmetterdi kartamen tólegende óz saýdańyz úshin alatyn shynaıy aqsha. Demek, siz CreditCard-pen eseptesken jaǵdaıda, jumsalǵan somanyń bir bóligi kartańyzǵa keri qaıtarylady. Aǵymdaǵy jyldyń sáýir aıynyń ózinde 97 mıllıon keshbek ForteBank tutynýshylaryna qaıtarylǵan.
CreditCard-tyń taǵy bir artyqshylyǵy – abonenttik tólemdi talap etpeıdi jáne qaryzdy óteýdiń eń tómengi mólsherlemesi nebári 1 paıyzdy quraıdy. Basqa banktermen salystyrǵanda bank mólsherlemesi 5 esege tómen ekenin eskersek, bul tutynýshylar úshin utymdy bolmaq.
MultiCard: saıahat kezinde 5 valıýtany qatar basqaryńyz
Kóp adamdar shetelge saıahat kezinde qarajatyn qandaı valıýtada saqtaý kerek ekenin bilmeı jatady. Qolma-qol aqsha ustaý qaýipti dep oılaıtyndar bar. Mundaı jandarǵa MultiCard atty saıahatshy kartasy kómekshi bola alady. MultiCard-tyń kómegimen tutynýshy birden bes valıýtany qatar basqara alady. Sondaı-aq, ForteBank tutynýshylary álemniń kez kelgen bankomatynan komıssııasyz aqsha sheship alý múmkindigine ıe. Saıahatshylar kóp jaǵdaıda saqtandyrýdy artyq shyǵyn sanap, bas tartyp jatady. Alaıda, shetelde qarjylyq saqtandyrý qajet-aq, Osy oraıda MultiCard tegin saqtandyrý paketin kartamen birge usynady.
Saıahatshylarǵa arnalǵan ForteTravel qyzmeti tutynýshylarǵa avıabıletter men temirjol bıletterin, avtomobıldi jalǵa alý, oǵan qosa qonaq úı jaldaý sııaqty servıs túrlerin tıimdi tásilmen paıdalanýǵa kómektesedi. Atalǵan qyzmet túri uzaq ýaqyt almaıdy jáne árbir jasalǵan qyzmet úshin bank 4 paıyzǵa deıin keshbek qaıtarýǵa daıyn.
Birneshe bank kartasyn bir qosymshamen basqarýǵa bolady
Sizde birneshe bank kartasy bar. Olardy onlaın basqarý úshin jeke-jeke mobıldi baǵdarlamasyn jazyp alý kerek. Al ForteBank-tiń mobıldi qosymshasy arqyly birneshe bank kartasyn qatar basqarýǵa bolady.
ForteBank-tiń qoysmshasy byltyr “Úzdik mobıldi qosymsha” atandy. Internet bankıng pen mobıldi qosymshanyń basqa bank qosymshalaryna qaraǵanda kóptegen artyqshylyqtary bar. Mysaly, ForteBank mobıldi qosymshasyn tek ForteBank kartasynyń tutynýshylary ǵana emes, Qazaqstannyń basqa da bankteriniń tutynýshylary tegin qoldana alady. Bul máselege kelgende ForteBank ashyq bank qyzmetin qoldanady. Siz bir mobıldi qosymsha arqyly birneshe bank kartasyn tirkep, qajetti qyzmetterdi ońaı ári tıimdi paıdalana alasyz.
Telefon nomeri arqyly aýdarym jasaý
Jaqynyńyzǵa nemese tanysyńyzǵa shuǵyl túrde aqsha aýdarý kerek. Alaıda, sizdiń de, onyń da qolynda bank kartasy men nomeri joq. Mundaı tyǵyryqtan qalaı shyǵýǵa bolady? ForteBank-tiń FortePay dep atalatyn jańa qyzmet túri bul máseleniń de ońaı sheshimin usynady.
FortePay qyzmeti arqyly qarajat aýdarǵyńyz keletin tulǵanyń telefon nomeri arqyly ǵana, basqa qosymsha aqparatsyz-aq aqsha aýdarymyn jasaı alasyz. Aýdarylǵan qarajatty tutynýshy óziniń qalaǵan kartasyna nemesi shotyna aýdaryp ala alady.
Kartasyz-aq aqsha sheship alýǵa bolady
Bank kartasyn úıge umytyp ketseńiz nemese jaqynyńyzǵa berip qoısańyz, bankomat kartańyzdy jutyp qoısa, alaıda shuǵyl túrde aqsha alý kerek bolsa ne isteý kerek? Tipti, kartańyzdy qaıda qoıǵanyńyzdy umytyp qalǵan jaǵdaılar da kezdesedi. Mundaıda ForteBank-tiń kez kelgen bankomatynda qoljetimdi Cash by code fýnksııasyn qoldanýǵa bolady.
Qolyńyzda kartańyz bolmaǵan kúnniń ózinde qazaqstandyqtar banktiń mobıldi qosymshasyn paıdalaný arqyly bankomattan aqsha sheship ala alady. Ol úshin kartasyz aqsha alý qyzmeti sizge arnaıy SMS-kod jiberedi. Sol kodtyń kómegimen ForteBank-tiń kez kelgen bankomatynan bank kartasyndaǵy qarajatyńyzdy sheship ala alasyz.
ForteDay jańa ónim, jańa qyzmet, jańa múmkindikke jol ashty. Jalpy, qazirgi tańda ForteBank-tiń mobıldi qosymshasynda 350-den astam qyzmet túri qoljetimdi. Munda aı saıyn 1769751 tranzaksııa jasalady. Bank qyzmetkerleri tutynýshylardyń qaýipsizdigi men aqpartqa qoljetimdiligin qamtamysz etý maqsatynda túrli qyzmetter men ónimder jasap jatyr. Jaqynda ǵana ótken ForteDay tanystyrylym sharasy kópshilikke beımálim qyzmet túrleri týraly tolyq aqparat berdi. Banktiń basqarma tóraǵasy Gýram Andronıkashvılı bıyl alǵash ret ótip otyrǵan ForteDay sharasyn jylyna eki ret ótkizýdi josparlap otyrǵandaryn jáne bul sharada jańa qyzmetter men ónimderdi tanystyrýdy dástúrge aınaldyratyndaryn aıtty.
Arnur Asqar,
"Egemen Qazaqstan"
