Rýmynııadan kelgen delegasııamen Atyraý oblysy ákiminiń birinshi orynbasary Saǵyndyq Luqpanov kezdesti. Sheteldik qonaqtardyń kelýdegi basty maqsaty - eki el arasyndaǵy tyǵyz iskerlik jáne saýda-ekonomıkalyq yntymaqtastyq ornatý.
Rýmynııanyń Qazaqstan Respýblıkasyndaǵy Tótenshe jáne О́kiletti elshisi Chezar Manole Armıanýdyń aıtýynsha, Qazaqstan men Rýmynııany uzaq merzimdi saýda qatynastary baılanystyrady.
- Atyraý oblysymen yntymaqtastyq sandarmen erekshelenedi - bizdiń elderimizdiń arasyndaǵy taýar aınalymy jyl saıyn artyp keledi, sonymen qatar, munaı-gaz salasyndaǵy yntymaqtastyq da damı tústi. Mysaly, Atyraý oblysynan Eýropaǵa eksporttalatyn munaı Rýmynııaǵa keledi, onda ol eki munaı óńdeý zaýytynda óńdeledi,- deıdi Chezar Manole Armıaný.
Rýmynııanyń Qazaqstan Respýblıkasyndaǵy Tótenshe jáne О́kiletti elshisiniń aıtýynsha, sheteldik qonaqtar Qazaqstanmen ártúrli salada - aýyl sharýashylyǵynda, bilim salasynda, IT tehnologııalary salasynda seriktestik ornatqysy keledi.
-О́ńirge kelý barysynda eki kelisim-shartqa qol qoıǵymyz keledi –biri Atyraý munaı jáne gaz ýnıversıtetimen munaı-gaz salasyndaǵy bilim baǵyrtyndaǵy jobalarǵa, ekinshisi - Prahov qalasy Saýda-ónerkásip palatasy men О́ńirlik kásipkerler palatasy arasynda. Sondaı-aq, Atyraýda Rýmynııanyń qurmetti konsýldyǵyn ashqymyz keledi, - deıdi sheteldik delegasııa basshysy.
Atyraý oblysy ákiminiń birinshi orynbasary Saǵyndyq Luqpanov rýmyndyq delegasııanyń bastamasyn qoldaıtynyn aıtyp, barlyq bastamalarǵa sáttilik tiledi.
- Búgin bizdi Atyraý oblysynyń bıznes qaýymdastyǵymen, Atyraý munaı jáne gaz ýnıversıtetiniń rektorymen, Atyraý oblysynyń UKP ókilderimen kezdesý kútýde, ózge de bastamalaryńyz qoldaý tabatynyna senimdimin », - dedi Saǵyndyq Luqpanov.
