Atalǵan mindetti júzege asyrý barysynda ál-Farabı atyndaǵy Qazaq Ulttyq ýnıversıtetiniń rektory Ǵalymqaıyr Mutanov: «bizdiń negizgi maqsatymyz – oqý ornyn álemdik deńgeıdegi zertteý ýnıversıtetine aınaldyrý. Soǵan oraı jetekshi mamandar daıarlanyp qana qoımaı, ǵylym men ınnovasııany damytý máselesi de qamtylatyn bolady. Jalpy, ýnıversıtetter ınnovasııalyq ekonomıkanyń draıveri bolýǵa tıis»,-dedi elbasy qabyldaýynda. Rasymen, sońǵy jyldary «álemniń ekinshi ustazy» - ál-Farabı babamyzdyń esimin ıelengen oqý orny: el ekonomıkasy, mádenıeti, ádebıeti, tehnologııasy úshin joǵary bilikti mamandardy daıarlaýdy qamtamasyz etetin ǵylymı-ınnovasııalyq keshenge aınaldy. Statıstıkalyq derekterdiń kórsetýi boıynsha, ýnıversıtet sońǵy úsh jyl ishinde úlken serpilis jasap, «QS» halyqaralyq reıtınginde 236 orynnan kórindi. «Great Value Colleges» halyqaralyq reıtıngi bolsa, ál-Farabı atyndaǵy QazUÝ-dy álemdik ýnıversıtetter arasynda 31-orynnan, al tehnologııalyq jaǵynan damyǵan eń ozyq 50 ýnıversıtetiń qatarynan kórinýge laıyqty dep taýypty.
Otanymyzdaǵy jetekshi oqý orny, sarapshylardyń pikirinshe, jańa bilim, ozyq ıdeıalar men tehnologııany boıyna sińirgen, ǵylymı bilim berý jáne ınnovasııalyq ortalyqtarda, qoǵamdyq mekemeler men túrli kompanııalarda saýatty ári sapaly qyzmet atqara alatyn maman daıarlaýǵa tolyqqandy qaýqarly. Memlekettik ınfraqurylymdy júzege asyrýdyń metodologııalyq negizi «Al-Farabi university smart city» biregeı ǵylymı-ınnovasııalyq jobasy jyl saıyn ulttyq ýnıversıtette tanystyrylyp, túıindeletini sonyń aıǵaǵy.
Ulttyq ýnıversıtet júzege asyryp jatqan san túrli jobalardyń nasıhattyq ári ımıdjdik beleń alýyna – oqý ordasynyń jýrnalıstıka fakýlteti, «IýNESKO, Halyqaralyq jýrnalıstıka jáne qoǵamdyq medıa» kafedrasynyń stýdenttik baspasóz qyzmeti, joǵarǵy bilimdi professorlar, oqytýshylar qatarynan turatyn bilikti ujymy barynsha qamtamasyz etýde. Atalmysh kafedranyń túlekteri qazirde halyqaralyq standarttaǵy bilikti jýrnalısterge aınalyp, komersııa, menedjment, marketıng, mádenıetaralyq kommýnıkasııa, aqparattyq tehnologııalar, ekonomıka, áleýmettaný salalarynda qyzmet etip, álemdik deńgeıde elimizdiń atyn tanytyp júr.
Taǵy da aıta keterligi, jıyrmasynshy ǵasyrdyń aıaǵynda qurylǵan álem ýnıversıtetteri, jetekshi JOO-lary men halyqaralyq uıymdardyń qatarynda Qazaqstan aty abyroımen atalyp, zor bedelge ıe bolýyna osy kafedra daıyndaǵan pıar mamandary, sonyń ishinde ásirese, pıar departamenti bóliminiń basshylyǵy, pıar-dırektorlar, jarnama agenttiginiń pıar-menedjerleri, memlekettik, qoǵamdyq jáne kommersııalyq qurylymdary mamandary aıanbaı qyzmet etip otyr. Jaqynda ǵana «IýNESKO, Halyqaralyq jýrnalıstıka jáne qoǵamdyq medıa» kafedrasynyń yqpalymen Ál-Farabı atyndaǵy Qazaq ulttyq ýnıversıtetine BUU-nyń «Akademııalyq yqpal» jahandyq habyna jetekshilik etý mindeti senip tapsyryldy, «UNAI Hubs-qa» jetekshilik etý merzimi 2020 jylǵa deıin uzartyldy.
Birikken ulttar uıymynynyń «jahandyq kommýnıkasııa» boıynsha Bas hatshysynyń orynbasary Alıson Smeıldiń qoly qoıylǵan sertıfıkat 12-sáýir kúni BUU-nyń «akademııalyq yqpal» baǵdarlamasynyń shtab-páterinen joldanyp, ýnıversıtet oqytýshylaryna arnaıy tabystaldy. Qazirgi tańda Qazaqstannyń 25 joǵary oqý oryndary BUU-nyń «Akademııalyqyqpal» baǵdarlamasyna qosylǵan. QazUÝ-da ótkizilgen baspasóz máslıhatyna arnaıy kelgen BUU-nyń Qazaqstandaǵy «qoǵamdyq aqparat» departamentiniń dırektory Vlastımıl Samek jetekshilik etý mandatymen oqý ornyn quttyqtap, sońǵy 4 jylda ýnıversıtettiń bul saladaǵy qyzmetin abyroıly atqarǵanyn atap ótti. Aıta keterligi, Qazaqstan 2017 jyldan beri BUU Qaýipsizdik Keńesiniń turaqty emes múshesi bolǵandyqtan, elimizdiń halyqaralyq qatynastardaǵy, jahandyq problemalardy sheshýdegi basty saıası alańǵa aınalyp otyr. Osy oraıda, V.Samek «UNAI Hubs» salasyndaǵy ýnıversıtettiń belsendi qyzmeti Qazaqstannyń halyqaralyq saıası arenadaǵy ımıdjine oń yqpal etetindigin de atap ótýdi umytpady. Qoryta aıtqanda, jahandyq bilim berý qaýymdastyǵyna múshe bolý mártebesine tuńǵysh ıe bolǵan Ortalyq Azııadaǵy ýnıversıtet óz ımmıdjin halyqaralyq jýrnalıstıka men qoǵamdyq medıa mamandary arqyly keńinen tanytyp, jetekshi reıtıngterinde asqaq abyroımen kórinip keledi.
Dastan Qastaı, stýdent
