Ne­mis qyzy Dıana qazaq tilin ana tilim dep sanaıdy

Toqmansaı aýylynyń kóp et­nosty turǵyndary bir-biri­men tek qazaq tilinde sóı­lese­di. Nemis pen ýkraın ulty ókilderiniń balalary osy aýyldaǵy Toqmansaı orta mektebinde qazaq tilinde oqı­dy. Biz osy mekteptiń túlegi, ne­mis qyzy Dıana Kremermen kez­desip, áńgimege tartqan edik. Ol Toq­mansaı orta mektebin aıaq­ta­ǵannan keıin, Aqtóbedegi kóp salaly Tarlan kolledjine túsip, úzdik dıplommen bitiripti. Qazir Q.Jubanov atyndaǵy Aqtóbe óńirlik memlekettik ýnıver­sıte­tinde qazaq tili men ádebıeti páni­niń oqytýshysy mamandyǵy boıyn­sha syrttaı bólimde oqıdy. Isi dara, sózi sara qyz búginde Toq­mansaı aýyldyq mádenıet úıi­niń meńgerýshisi bolyp qyzmet atqa­rady. Dıana ákesi nemis, ana­sy qazaq bolǵanymen, ózin tolyq­qandy qazaq qyzymyn dep esep­teıdi. Júregine jylý, janyna senim jáne júregine sezim uıalat­qan qazaq tilin ana tilim dep sanaıdy.

Tipti bizdiń otbasymyzda qazaq halqynyń salt-dástúrlerin us­taný tártibi qalyptasqan. Men qarııa­lar men jasy úlkenderdiń batalaryn alyp boıjettim. Osy halyqtyq dástúr bolashaǵym­nyń jarqyn bolýyna oń septigin tıgizetinine ımandaı senemin deıdi Dıana Vıtalevna.

Ol Toqmansaı aýyldyq máde­nıet úıinde óziniń alǵashqy eńbek jolyn bastaı otyryp, qazaq hal­qy­nyń óneri men mádenıetine qatys­ty kóp jaıttarǵa qany­ǵyp­ty. Onyń janyn qazaq mýzykasy besik­­­teı terbetip, alǵa qoıǵan oı-maq­­­sat­taryna qanat bitiripti. Aýyl­­­dyq mádenıet úıindegi san alýan, qat-qabat isterdiń basy­qasyn­­­da júrgen Dıana Kremerdiń is-qı­­­my­­lyna aýyl turǵyndary, onyń úl­keni men kishisiniń bári dán rıza. «Shirkin, Dıana! Aýyly­myz­­­dyń kórki men shyraıy ǵoı bul qyz. Júregi qandaı taza, kór­ki qan­­daı, adamgershiligi men baýyr­mal­­dyǵy qandaı?!» deıdi aýyldastary.

Mektepte jáne Tarlan kol­led­jinde oqyp júrgen kezinde qazaq tilinde kórkem sóz oqýdan aldyna jan salmaǵan. Bul básekede aýdan­dyq, oblystyq jáne res­pýblı­k­a­lyq baıqaýlarda top jarǵan keıip­kerimiz osy máner­lep oqý ónerin óziniń keıingi ini-sińileri­niń boıyna darytýǵa da biraz ýaqy­tyn sarp etip júr. Qazaq tili qu­nary men shyraıy, tipti qara sóziniń ózi poezııa sarynyndaı áserli de áýezdi estiledi. Ony mánerine keltirip aıtýdyń ózi maǵan erekshe lázzat syılaıdy, deıdi Dıana Kremer.

Áńgime barysynda ol bizdi Memleket basshysy Nursultan Nazarbaev jóninde jazǵan oı-tolǵanysymen tanystyrdy. Onyń túıini bylaısha órilipti. «Qur­metti Perzıdent, Siz barsha qazaq­stan­dyqtardy, sonyń ishinde biz sekildi jastardy udaıy dostyq pen birlikke jáne tatýlyqqa sha­qy­ryp kelesiz. Sizge alǵysymyz sheksiz! Meniń maqsatym – týyp-ósken Otanym – Qazaqstannyń odan ári ósip-órkendeýi men gúl­denýi­ne óz úlesimdi qosý. Meniń elim men jerime degen mahabbatym sheksiz», degen Dıananyń júrek­jardy sózderi jazylypty onda.

О́se ber, órleı ber, qazaqtyń jıen qyzy!

Temir QUSAIYN,

«Egemen Qazaqstan»

Aqtóbe oblysy,

Alǵa aýdany,

Toqmansaı aýyly