Sondyqtan da Oralda Jeńis kúnine arnalǵan saltanatty sharalar jyl saıyn erekshe ótedi. Bıyl da batyr qyzdar – Mánshúk Mámetova, Álııa Moldaǵulova jáne Hıýaz Dospanovanyń eskertkishi ornatylǵan alańǵa gúl shoǵyn qoıýmen bastalǵan sharalar kúni boıy jalǵasty.
Batys Qazaqstan oblysynyń ákimi Altaı Kólginov Jeńis alańynda, Máńgilik alaý basynda sóılegen sózinde osy óńirden maıdanǵa attanǵan 80 myńǵa jýyq jaýyngerden kúni búgin kózi tiri 108 ardager qalǵanyn aıtyp ótti. Elimizde maıdangerlerge barlyq qurmet jasalyp jatyr. Bul kúni Batys Qazaqstan oblysynda da ardagerlerge erekshe nazar aýdarylyp, syı-qurmet kórsetilip, búgingi beıbit kún men táýelsizdik úshin rahmet aıtyldy.
Batys Qazaqstan oblystyq qazaq drama teatry bul kúndi «Mánshúk» qoıylymynyń premerasymen atap ótti. Batysqazaqstandyqtardyń bıyl Astananyń 20 jyldyq toıyna tartýy da Sovet Odaǵynyń batyry Mánshúk Mámetovanyń eńseli eskertkishi bolǵaly tur.
Qazbek QUTTYMURATULY
«Egemen Qazaqstan»
Batys Qazaqstan
