Polsha delegasııasyn qarsy ala otyryp, T.Muqashev eki eldi dástúrli túrde jyly ári dostyq qarym-qatynastar baılanystyratynyn atap ótti. Dıplomatııalyq qarym-qatynastar ornaǵan kezden bastap shırek ǵasyrda barlyq deńgeıdegi turaqty saıası dıalog ornatyldy. Prezıdentimiz Nursultan Nazarbaevtyń Polshaǵa 2016 jylǵy memlekettik sapary tabysty boldy. Polsha Prezıdenti Andjeı Dýdanyń Qazaqstanǵa sapary ekijaqty baılanystardy nyǵaıtýǵa edáýir úles qosty, ol «EKSPO-2017» Halyqaralyq kórmesindegi Polshanyń Ulttyq kúnine qatysty.
Senator qonaqtardy Parlamenttiń joǵarǵy Palatasynyń Qazaqstannyń saıası ómirindegi róli týraly, sondaı-aq saıası, ekonomıkalyq jáne áleýmettik reformalardy zańnamalyq turǵydan qoldaý boıynsha depýtattar tarapynan júrgizilip jatqan jumys jaıly habardar etti.
T.Muqashev Qazaqstan-Polsha parlamentaralyq dıalogy deńgeıine joǵary baǵa berdi. 2016 jyly Senat Tóraǵasy Qasym-Jomart Toqaevtyń shaqyrýy boıynsha Polsha Senatynyń Tóraǵasy Stanıslav Karchevskııdiń Qazaqstanǵa resmı sapary boldy. 2017 jylǵy maýsymda Astanaǵa Polsha Senatynyń vıse-spıkeri Marııa Kos keldi.
Gýmanıtarlyq baılanystarǵa toqtala kele, T.Muqashev Qazaqstannan shyqqan polıaktardyń erekshe rólin atap ótti, senatordyń sózinshe, olar «halyqtarymyzdyń arasyndaǵy dostyqty rýhanı baılanystyrýshy ári nyǵaıtýshy dáneker» bolyp tabylady.
О́z kezeginde V.Kraska men A.Vajoha Qazaqstan halqyna tarıhtyń qıyn-qystaý kezeńderinde óz otandastaryn jyly qabyldaǵany úshin alǵystaryn bildirdi. Polsha parlamentshileri memleketterimizdiń saıası, ekonomıkalyq jáne gýmanıtarlyq salalardaǵy strategııalyq áriptestigi odan ári keńeıe túsetindigine senetinderin aıtty.
Kezdesýge Senattyń Halyqaralyq qatynastar, qorǵanys jáne qaýipsizdik komıtetiniń múshesi Nurjan Nursıpatov qatysty.
