Is-sharaǵa Aqparat jáne kommýnıkasııalar vıse-mınıstri Nurgúl Maýberlınova, «Qazcontent» AQ tóraǵasy Evgenıı Kochetov jáne «Qazcontent» AQ «Qazaqstan tarıxy», «Ádebıet» portaldarynyń Bas redaktory Oljas Berkinbaev qatysty.
Jıyn barysynda Nurgúl Maýberlınova ótinishterdi qabyldaý erejesi men baıqaýǵa kelip túsken shyǵarmashylyq jumystar qalaı irikteletinin aıtty. Osy jyly baıqaý 12 nomınasııa boıynsha ótedi jáne taǵy bir ekperımenttik nomınasııa qosylyp otyr.
«Nomınasııalar týraly kóp oılandyq. Eń úzdik blogreler men vaınerlerdi sondaı-aq eń tanymal pablık pen jyl haıpyn anyqtasaq degen oı bar. Ádil bolsyn degen nıetpen oqyrmandar ózderi tańdasyn degen sheshimge keldik. Sol sebepti qosymsha qandaı nomınasııa bolatynyn daýys berý arqyly anyqtamaqpyz. Munyń eshqandaı qıyndyǵy joq, tek urker.el.kz saıtyna kirip, qaı nomınasııany qoldaıtynyńyzdy daýys berý arqyly tańdaı alasyz», dedi Evgenıı Kochetov.
«Úrker» baıqaýyna qatysý úshin el.kz. saıtyna tómendegi nomınasııalar boıynsha ótinishter jibere alasyzdar: 1) úzdik fotosýret; 2) úzdik reportaj; 3) úzdik saraptamalyq materıal; 4) úzdik jýrnalıstik zertteý; 5) úzdik suhbat; 6) Qazaqstan týraly úzdik tanymdyq materıal; 7) úzdik halyqaralyq taldamaly materıal; 8) úzdik óńirlik radıostansa; 9) úzdik óńirlik merzimdi basylym; 10) úzdik Qazaqstandyq radıostansııa; 11) úzdik ınternet-basylym; 12) úzdik respýblıkalyq merzimdi basylym
Qazylar alqasy quramyna tanymal qoǵam qaıratkerleri men shyǵarmashylyq ıntellıgensııa ókilderi, jýrnalıstıka salasynyń maıtalman mamandary kiredi. Baıqaýdyń laýreaty atanǵan jýrnalısterge estelik músin men qarjylaı júldeler tabystalady. Árbir jeńimpaz 1 000 000 teńge kóleminde aqshalaı syılyq pen dástúrli estelik músinge ıe bolady.
Baspasóz, radıo jáne ınternet-jýrnalıstıka salasyndaǵy «Úrker» ulttyq syılyǵy byltyr alǵash ret QR Aqparat jáne kommýnıkasııalar mınıstrliginiń bastamasymen ótken bolatyn. Ulttyq syılyqty uıymdastyrýshy – «Qazcontent» AQ.
Ulttyq premııa baspasóz, radıo jáne ınternet-jýrnalıstıka salasyndaǵy úzdik jetistigi úshin beriledi, bul marapat óńirlerde mýltımedıalyq jýrnalıstıkany damytýǵa, jýrnalısterdiń bedelin arttyrýǵa, jýrnalıstıkany nasıhattan ereksheleıtin kásibı standarttar men talaptardy bekitýge, sondaı-aq qoǵamnyń azamattyq belsendiligin arttyrýǵa baǵyttalǵan.
Syılyqtyń negizgi maqsaty – talantty jýrnalıster men úzdik shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesterin saralaý jáne shyǵarmashylyq adamdarynyń eleýli eńbegine qoǵam nazaryn aýdarý.
Baıqaýǵa shyǵarmashylyq jumystary 2017 jyly jarııalanǵan baspasóz redaksııalary men ınternet-BAQ ókilderi sondaı-aq radıostansııalardyń jýrnalısteri qatysa alady.
