Júzdesý barysynda N.Nyǵmatýlın Eýropalyq Odaqpen yntymaqtastyqtaǵy Qazaqstannyń syrtqy saıasatynyń strategııalyq basymdyqtardyń biri ekenin atap ótti.
Ortalyq Azııa boıynsha Eýropalyq Odaqtyń Strategııasy sheńberindegi is-qımylǵa nazar aýdarǵan Májilis tóraǵasy osy rette Memleket basshysynyń qaýipsizdikti nyǵaıtýǵa baǵyttalǵan aýqymdy bastamalaryna toqtaldy.
Sonymen birge N.Nyǵmatýlın yntymaqtastyq týraly jańartylǵan Eýropalyq Odaq strategııasyn qabyldaý birlesken ózara tıimdi jobalardy iske asyrý úshin jańa múmkindikter ashatynyna senim bildirdi.
О́z kezeginde, Iveta Grıgýle Eýropalyq Odaq Qazaqstandy asa mańyzdy áriptes retinde sanaıtynyn jetkizdi.
I.Grıgýle Qazaqstan Prezıdentiniń kelispeýshilikterdi tek qana kelissózder jolymen sheshýge baǵyttalǵan saıasatynyń mańyzdylyǵyn ataı otyryp, bizdiń elimizdiń Sırııa máselesin sheshýde, sondaı-aq Aýǵanstandaǵy jaǵdaıdy turaqtandyrý baǵytyndaǵy Qazaqstannyń qosyp otyrǵan úlesi jaqsy úlgi kórsetkenin atap ótti.
I.Grıgýle Eýropalyq Odaq bizdiń elimizdiń BUU Qaýipsizdik Keńesine turaqty emes músheligin, sondaı-aq Azııada ǵana emes, álemdik qaýipsizdikti qamtamasyz etýdegi Qazaqstannyń rólin joǵary baǵalap, Qazaqstan Prezıdentiniń bes áleýmettik bastamasyna aıryqsha kóńil bóldi.
Sondaı-aq, taraptar parlamentaralyq únqatysýdy damytý qajettigine toqtaldy. Aıta ketý kerek, bul týraly búgin Parlament Májilisinde Qazaqstannyń Eýropalyq Odaq pen parlamentaralyq yntymaqtastyq jónindegi komıtetiniń 15-otyrysy ótti. Onda halyqaralyq deńgeıdegi mańyzdy máseleler talqylandy.
Budan basqa, ekonomıkalyq jáne áleýmettik reformalar, ınvestısııalyq tartymdylyqty arttyrý, energetıkalyq qaýipsizdikti qamtamasyz etý, óńirlik yntymaqtastyqty kúsheıtý máselelerine de kóńil aýdaryldy.
